Búgin, 27 naýryzda KASE-de islamdyq qarjylandyrý qaǵidattary boiynsha qurylǵan elimizdegi alǵashqy Wardat al Hayat intervaldyq investitsiialyq pai qorynyń pailar saýdasy bastaldy, dep habarlaidy Dalanews.kz.
Osylaisha Ramazan aiynda elimizde shariǵat normalaryn ustanatyn investorlar investitsiialaýdyń jańa quralyna ie boldy.
"Qor QR Qarjy naryǵyn retteý jáne damytý agenttiginde (ISIN kzpf00000900) tirkelgen jáne Alhamd Shariah Advisory Services kompaniiasynyń shariǵat sáikestigi sertifikatyna ie", delingen KASE-degi habarlamada.
Wardat al Hayat Taiaý Shyǵys pen Ońtústik-Shyǵys Aziianyń jetekshi emitentteriniń sýkýk, iaǵni islamdyq baǵaly qaǵazdaryna investitsiia salady. Kútiletin kiristilik - AQSh dollarymen eseptegende jylyna shamamen 4%-dy quraidy.
Qordyń investorlary jeke jáne zańdy tulǵalar bola alady. Paidyń nominaldy quny - 100 AQSh dollary. Sonymen qatar, qor erejelerine sai, tabystyń 1%-y sadaqa tólemin qamtidy, iaǵni ol qaiyrymdylyqqa jumsalatyn bolady.
Bul joba - jańa qarjy quraly ǵana emes, myńdaǵan investorlardyń óz qundylyqtaryna sáikes investitsiialaý múmkindigi.
