Túrkistan oblysy ákimi Ómirzaq Shókeevtiń tapsyrmasyna sáıkes, Tólebı aýdanynda aýyl sharýashylyǵy salasynda bir jerden 2-3 ónim alý jobasy sátti iske asyrylýda, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Qazirgi kezde Tólebı aýdany, Zertas aýyldyq okrýgindegi sharýalar ekinshi ónimin jınaýdy bastady. “Qalybek” sharýa qojalyǵy  erte kóktemde ekken qıaryn terip alyp, ekinshi ónimge kartop ekken. Qojalyqtyń jalpy jer kólemi 2,6 ga. Sharýa jıǵan qıaryn saýda oryndaryna ótkizip, ekinshi ónimge ekken kartopty kútip – baptaýǵa kirisken.

Sonymen qatar, Zertas aýyldyq okrýgindegi JK «Mamyrbekova A» sút jáne mal bordaqylaý alańy jumys isteıdi. Qojalyq 36 bas saýyndy sıyrdan táýligine 380 lıtr sút alyp, ony «Saıram sút» JSHS-ne ótkizedi. Búginde 5 azamatty jumyspen qamtyp otyr.