Qyrǵyzstan prezidenti Sadyr Japarov jubaiy Aigúlmen birge Ystyqkólge barar joldaǵy "Apamnyń qattamasy" dámhanasynan kózge tústi, dep habarlaidy dalanews.kz.
Dámhana qonaqtarynyń biri memleket basshysyn alǵashynda tanymai qalǵanyn aitty. Onyń sózinshe, prezident basqa kelýshilermen birge qarapaiym jaǵdaida otyrǵan.
"Prezidentimizdi "Apamnyń qattamasy" dámhanasynan kórý tosyn jaǵdai boldy. Tipti bul Sadyr Nurǵojauly men onyń jubaiy ekenin birden túsinbedim", - dep jazdy áiel.
Jazba avtorynyń aitýynsha, prezidenttiń kelýine bailanysty joldar jabylmaǵan. Alaida kúzet qyzmeti janynda bolǵan.
Dámhana qonaqtarynyń sózinshe, olar dámhanaǵa ózderi kirip, shai men qattamaǵa tapsyrys bergen. Erli-zaiypty tez túski as iship, keiin jolyn jalǵastyrǵan.
