Almaty garnızonynyń qutqarýshylary Jetisý aýdanynyń «Mereı» saýda ortalyǵynda qaýipsizdik aksıasyn ótkizdi,- dep habarlaıdy Dalanews.kz 

Jer silkinisi men órt kezinde ózin-ózi qutqarý daǵdylaryn megapolıs turǵyndaryna úıretý boıynsha belsendi jumys halyq kóp jınalatyn oryndarda jalǵasyn tabýda.

Qarapaıym ári túsinikti túrde, úgit-nasıhattyq ónimder men beınerolıkterdi «Almaty TJ» mobıldik qosymshasy arqyly kórsete otyryp, TJD mamandary saýda ortalyǵynyń qyzmetkerleri men kelýshilerine jer silkinisi men órt kezinde evakýasıalaý algorıtmin eske saldy. Mundaı jaǵdaıda eń bastysy – sabyr saqtap, tez baǵdarlanyp, belgilengen nusqaýlardy qatań oryndaý ekendigi aıtyldy.

Osyndaı is-sharalar qaýipsizdik mádenıetin arttyrýǵa yqpal etip, árbir turǵynǵa yqtımal tótenshe jaǵdaılarǵa daıyn bolýǵa múmkindik beredi. Bul óz kezeginde Almaty qalasy azamattarynyń ómiri men densaýlyǵyn saqtaýdy qamtamasyz etedi.