الماتى گارنيزونىنىڭ قۇتقارۋشىلارى جەتىسۋ اۋدانىنىڭ «مەرەي» ساۋدا ورتالىعىندا قاۋىپسىزدىك اكسياسىن وتكىزدى،- دەپ حابارلايدى Dalanews.kz
جەر سىلكىنىسى مەن ءورت كەزىندە ءوزىن-وزى قۇتقارۋ داعدىلارىن مەگاپوليس تۇرعىندارىنا ۇيرەتۋ بويىنشا بەلسەندى جۇمىس حالىق كوپ جينالاتىن ورىنداردا جالعاسىن تابۋدا.
قاراپايىم ءارى تۇسىنىكتى تۇردە، ۇگىت-ناسيحاتتىق ونىمدەر مەن بەينەروليكتەردى «الماتى تج» موبيلدىك قوسىمشاسى ارقىلى كورسەتە وتىرىپ، تجد ماماندارى ساۋدا ورتالىعىنىڭ قىزمەتكەرلەرى مەن كەلۋشىلەرىنە جەر سىلكىنىسى مەن ءورت كەزىندە ەۆاكۋاسيالاۋ الگوريتمىن ەسكە سالدى. مۇنداي جاعدايدا ەڭ باستىسى – سابىر ساقتاپ، تەز باعدارلانىپ، بەلگىلەنگەن نۇسقاۋلاردى قاتاڭ ورىنداۋ ەكەندىگى ايتىلدى.
وسىنداي ءىس-شارالار قاۋىپسىزدىك مادەنيەتىن ارتتىرۋعا ىقپال ەتىپ، ءاربىر تۇرعىنعا ىقتيمال توتەنشە جاعدايلارعا دايىن بولۋعا مۇمكىندىك بەرەدى. بۇل ءوز كەزەگىندە الماتى قالاسى ازاماتتارىنىڭ ءومىرى مەن دەنساۋلىعىن ساقتاۋدى قامتاماسىز ەتەدى.
