Aqtóbe oblysynyń Jarly aýylynda qudyqta 9 jastaǵy qyz men 38 jastaǵy er adam qaza tapty,- dep habarlaıdy Dalanews.kz
9 jastaǵy qyz jeke úıdiń aýlasyndaǵy tereńdigi 10 metr qudyqqa qulap ketken. Qudyq qaraýsyz qalǵan, ishine qoqys tolyp qalǵan.
Er adam balany qutqarýǵa tyrysyp, artynan túsken. Alaıda ol syrtqa shyǵa almaǵan.
"Qutqarýshylardyń kómegimen bala men eresek adam qudyqtan es-tússiz kúıde shyǵaryldy. Aýdandyq tótenshe jaǵdaılar qyzmetiniń qyzmetkerleri shuǵyl túrde alǵashqy medısınalyq kómek kórsetti. Ókinishke qaraı, ekeýi de qaıtys boldy", – dedi Aqtóbe oblysynyń tótenshe jaǵdaılar departamentiniń ókili.
Bul oqıǵa boıynsha tekseris bastaldy.
