Aqtóbe oblysynyń Jarly aýylynda qudyqta 9 jastaǵy qyz men 38 jastaǵy er adam qaza tapty,- dep habarlaidy Dalanews.kz
9 jastaǵy qyz jeke úidiń aýlasyndaǵy tereńdigi 10 metr qudyqqa qulap ketken. Qudyq qaraýsyz qalǵan, ishine qoqys tolyp qalǵan.
Er adam balany qutqarýǵa tyrysyp, artynan túsken. Alaida ol syrtqa shyǵa almaǵan.
"Qutqarýshylardyń kómegimen bala men eresek adam qudyqtan es-tússiz kúide shyǵaryldy. Aýdandyq tótenshe jaǵdailar qyzmetiniń qyzmetkerleri shuǵyl túrde alǵashqy meditsinalyq kómek kórsetti. Ókinishke qarai, ekeýi de qaitys boldy", – dedi Aqtóbe oblysynyń tótenshe jaǵdailar departamentiniń ókili.
Marqum er adamnyń Baiǵanin balalar-jasóspirimder sport mektebiniń erkin kúres jattyqtyrýshysy, alty balanyń ákesi Nurbol Berdiǵaliev ekeni belgili boldy.
"Nurbol Berdiǵaliev 2017 jyldan beri Jarly aýylynda turyp, jumys istep keldi. Ol respýblikalyq jáne oblystyq týrnirlerdiń 40-qa jýyq jeńimpazy men júldegerin daiyndady. 20 shákirti sport sheberligine úmitker ataǵyn aldy. Artynda alty balasy qaldy", – dedi Aqtóbe oblysy ákimdiginiń baspasóz hatshysy Gúlbaǵda Kóbeeva.
Aldyn ala boljam boiynsha, er adamnyń ólimine ýly gazdan ýlaný sebep bolǵan.
