Aqtaýda ushaqtyń apatqa ushyraýynyń sebepteriniń biri aityldy, dep habarlaidy Dalanews.kz.
VChK-OGPÝ telegram arnasyndaǵy málimet boiynsha, bastapqyda ushaqta ushqyshsyz ushý apparattaryna qarsy qoldanylatyn "glýshilka" qosylǵan. Lainer qoný úshin tómen túse bastaǵanda ushaqtaǵy GPS jumys istemei qalǵan. Ushqysh mundai jaǵdaida qona almaitynyn túsinip, Bakýge ushyp ketpek bolǵan kórinedi.
Osylaisha ushqysh ushaqty keri burmaq bolǵan kezde jarylystyń daýsyn estigen, bul bortqa shabýyl jasalǵan degen sóz bolýy múmkin.
Sonymen qatar, dialogtaǵy aqparattarǵa sáikes, ekipaj GPS istemei qalǵanyn birneshe ret habarlaǵan. Al bul ýaqytta ushaqty áýejaida kútip turǵan, qoný jolaǵynyń shamdary da janǵan. Alaida ushaq tómendegen saiyn drondarǵa qarsy qoldanylǵan "glýshilka" áserinen aqaýlar paida bolǵan.
Saǵat 07:53 jáne 07:55-te júieler tolyqtai isten shyqqan. Ekipaj aimaqtyq navigatsiiany (ushaqty basqarý ádisi) qoldana almaitynyn jáne basqa eshqandai múmkindik joq ekenin habarlaǵan. Sol kezde dispetcher de "radar bailanysyn" joǵaltyp, ushaqty qondyrý múmkin bolmaǵan.
Osylaisha, ushaqty Groznyi áýejaiynda eshkim basqa jaqqa burmaǵan, oǵan aýa raiynyń da qatysy joq. Ushaqty 07:36-dan bastap (Groznyi dispetcherimen alǵashqy bailanys) qondyrýǵa tyrysqan. Bailanys jii úzilip, bailanys kezinde kedergiler bolǵan, al ekipaj derekterdi, onyń ishinde ushaqtyń biiktigin anyqtaýǵa tyrysyp, qonýǵa kirisken", - delingen telegramdaǵy jazbada.
Qonýǵa sońǵy áreket 08:10-nan 08:11.50-ge deiin jasalǵan. Biraq 26-jolaqqa qonýdyń ornyna ekipaj "Baký baǵytyna ushyp baramyz" dep habarlaǵan.
"08:12-de ekipaj eki GPS datchiginiń de signaly joǵalǵanyn jáne dispetcherden ushýdy uiymdastyrýdy suraǵan, dispetcher kelesi birneshe minýt aitqanyn oryndaǵan. 08:16-da ekipaj dabyl qaqqandai bolyp aqparatty habarlaǵan: "Bizde basqarý isten shyqty, kabinaǵa qus soǵyldy. Kabinaǵa qustar soǵyldy (anyq estilmeidi)" degen. Ushqysh birneshe ret osy sózderdi qaitalaǵan, qustar kóp ekenin atap ótken.
Sol sátte ushaqtyń janynda jarylys bolǵan, ekipaj qustarǵa soǵyldyq dep oilaǵan bolýy múmkin. Keiin dispetcher qandai da bir kómek qajet pe dep suraǵan, al ekipaj aldymen "Minvody" áýejaiyndaǵy aýa raiy týraly aqparat suraǵan jáne kómek qajet ekenin rastaǵan. Osydan keiin dispetcherde de qorqa bastaǵan – ol birneshe ret efirde: "16-shy minýtta" dep qaitalap, bireýmen sóilesip, qustarmen "soqtyǵys" týraly habarlamanyń ýaqytyn basqa oqiǵalarmen salystyryp turǵandai kóringen", - delingen habarlamada.
VChK-OGPÝ derekterine sáikes, sol soqqy Naýr aýdanynyń ústinde bolǵan. Bul jerde birden birneshe áskeri bólim ornalasqan, onyń ishinde áýe shabýylyna qarsy qorǵanys júieleri de bar.
08:18-de ekipaj ushaqtyń basqarýǵa kelmeitinin dispetcherge habarlaǵan.
Keiin ekipaj Mahachkala áýejaiynyń derekterin suraǵan jáne "gidravlikanyń" da isten shyqqanyn birneshe ret habarlaǵan.
