اقتاۋدا ۇشاقتىڭ اپاتقا ۇشىراۋىنىڭ سەبەپتەرىنىڭ ءبىرى ايتىلدى، دەپ حابارلايدى Dalanews.kz.
ۆچك-وگپۋ تەلەگرام ارناسىنداعى مالىمەت بويىنشا، باستاپقىدا ۇشاقتا ۇشقىشسىز ۇشۋ اپپاراتتارىنا قارسى قولدانىلاتىن "گلۋشيلكا" قوسىلعان. لاينەر قونۋ ءۇشىن تومەن تۇسە باستاعاندا ۇشاقتاعى GPS جۇمىس ىستەمەي قالعان. ۇشقىش مۇنداي جاعدايدا قونا المايتىنىن ءتۇسىنىپ، باكۋگە ۇشىپ كەتپەك بولعان كورىنەدى.
وسىلايشا ۇشقىش ۇشاقتى كەرى بۇرماق بولعان كەزدە جارىلىستىڭ داۋسىن ەستىگەن، بۇل بورتقا شابۋىل جاسالعان دەگەن ءسوز بولۋى مۇمكىن.
سونىمەن قاتار، ديالوگتاعى اقپاراتتارعا سايكەس، ەكيپاج GPS ىستەمەي قالعانىن بىرنەشە رەت حابارلاعان. ال بۇل ۋاقىتتا ۇشاقتى اۋەجايدا كۇتىپ تۇرعان، قونۋ جولاعىنىڭ شامدارى دا جانعان. الايدا ۇشاق تومەندەگەن سايىن دروندارعا قارسى قولدانىلعان "گلۋشيلكا" اسەرىنەن اقاۋلار پايدا بولعان.
ساعات 07:53 جانە 07:55-تە جۇيەلەر تولىقتاي ىستەن شىققان. ەكيپاج ايماقتىق ناۆيگاسيانى (ۇشاقتى باسقارۋ ءادىسى) قولدانا المايتىنىن جانە باسقا ەشقانداي مۇمكىندىك جوق ەكەنىن حابارلاعان. سول كەزدە ديسپەچەر دە "رادار بايلانىسىن" جوعالتىپ، ۇشاقتى قوندىرۋ مۇمكىن بولماعان.
وسىلايشا، ۇشاقتى گروزنىي اۋەجايىندا ەشكىم باسقا جاققا بۇرماعان، وعان اۋا رايىنىڭ دا قاتىسى جوق. ۇشاقتى 07:36-دان باستاپ (گروزنىي ديسپەچەرىمەن العاشقى بايلانىس) قوندىرۋعا تىرىسقان. بايلانىس ءجيى ءۇزىلىپ، بايلانىس كەزىندە كەدەرگىلەر بولعان، ال ەكيپاج دەرەكتەردى، ونىڭ ىشىندە ۇشاقتىڭ بيىكتىگىن انىقتاۋعا تىرىسىپ، قونۋعا كىرىسكەن"، - دەلىنگەن تەلەگرامداعى جازبادا.
قونۋعا سوڭعى ارەكەت 08:10-نان 08:11.50-گە دەيىن جاسالعان. ءبىراق 26-جولاققا قونۋدىڭ ورنىنا ەكيپاج "باكۋ باعىتىنا ۇشىپ بارامىز" دەپ حابارلاعان.
"08:12-دە ەكيپاج ەكى GPS داچيگىنىڭ دە سيگنالى جوعالعانىن جانە ديسپەچەردەن ۇشۋدى ۇيىمداستىرۋدى سۇراعان، ديسپەچەر كەلەسى بىرنەشە مينۋت ايتقانىن ورىنداعان. 08:16-دا ەكيپاج دابىل قاققانداي بولىپ اقپاراتتى حابارلاعان: "بىزدە باسقارۋ ىستەن شىقتى، كابيناعا قۇس سوعىلدى. كابيناعا قۇستار سوعىلدى (انىق ەستىلمەيدى)" دەگەن. ۇشقىش بىرنەشە رەت وسى سوزدەردى قايتالاعان، قۇستار كوپ ەكەنىن اتاپ وتكەن.
سول ساتتە ۇشاقتىڭ جانىندا جارىلىس بولعان، ەكيپاج قۇستارعا سوعىلدىق دەپ ويلاعان بولۋى مۇمكىن. كەيىن ديسپەچەر قانداي دا ءبىر كومەك قاجەت پە دەپ سۇراعان، ال ەكيپاج الدىمەن "مينۆودى" اۋەجايىنداعى اۋا رايى تۋرالى اقپارات سۇراعان جانە كومەك قاجەت ەكەنىن راستاعان. وسىدان كەيىن ديسپەچەردە دە قورقا باستاعان – ول بىرنەشە رەت ەفيردە: "16-شى مينۋتتا" دەپ قايتالاپ، بىرەۋمەن سويلەسىپ، قۇستارمەن "سوقتىعىس" تۋرالى حابارلامانىڭ ۋاقىتىن باسقا وقيعالارمەن سالىستىرىپ تۇرعانداي كورىنگەن"، - دەلىنگەن حابارلامادا.
ۆچك-وگپۋ دەرەكتەرىنە سايكەس، سول سوققى ناۋر اۋدانىنىڭ ۇستىندە بولعان. بۇل جەردە بىردەن بىرنەشە اسكەري ءبولىم ورنالاسقان، ونىڭ ىشىندە اۋە شابۋىلىنا قارسى قورعانىس جۇيەلەرى دە بار.
08:18-دە ەكيپاج ۇشاقتىڭ باسقارۋعا كەلمەيتىنىن ديسپەچەرگە حابارلاعان.
كەيىن ەكيپاج ماحاچكالا اۋەجايىنىڭ دەرەكتەرىن سۇراعان جانە "گيدراۆليكانىڭ" دا ىستەن شىققانىن بىرنەشە رەت حابارلاعان.
