Resei Belarýsti ózine qosyp alý josparyn daiyndady. Ol 2030 jylǵa qarai júzege asýy tiis. Bul týraly reseilik "Dose" ortalyǵy habarlady.
Jýrnalister zerttegen qujat "Resei Federatsiiasynyń belorýs baǵytyndaǵy strategiialyq maqsattary" dep atalady. 17 bettik qujat 2021 jylǵy jazda daiyndalǵan. Ony RF prezident ákimshiligi, RF syrtqy barlaý qyzmeti, Federaldyq qaýipsizdik qyzmeti, Memlekettik barlaý basqarmasy jáne Resei bas shtaby ázirlegen.
Qujatta Resei biliginiń Belarýstaǵy saiasi, qorǵanys, saýda jáne áleýmettik maqsattary úsh túrli sanatqa bólingen - qysqa merzimi (2022 jylǵa deiin), ortasha merzimi (2025 jylǵa deiin) jáne uzaq merzimi (2030 jyl).
Atap aitqanda, Kreml túptep kelgende orys tiliniń belorýs tiline ústemdik qurǵanyn, belorýs zańnamalaryn Resei zańdaryna baǵynyshty etýdi, sonymen birge eldiń qoǵamdyq-saiasi ómirin, saýdasyn, ǵylym men mádenietin baǵyndyrýdy kózdeidi.
Buǵan qosa Resei 2030 jylǵa deiin Belarýstiń áskeri-saiasi sektoryna baqylaý ornatýdy josparlaǵan. Resei barlaý qyzmetiniń mindeti - "ultshyl jáne batysshyl" kúshterdiń yqpalyn shekteý, Belarýs Konstitýtsiiasyn Resei múddesin eskere otyryp reformalaýdy aiaqtaý.
Sonymen birge Resei prezidenti ákimshiligi onjyldyq aiaǵyna deiin Belarýs aqparat keńistigine tolyq baqylaý ornatqysy keledi.
2030 jylǵa qarai Resei Belarýsta biryńǵai memlekettik emtihan tapsyrý mekemesin, buǵan qosa Mogilev, Grodno jáne Vitebskide jańa ǵylym men mádeniet ortalyqtaryn ashýdy josparlaǵan. Jýrnalisterdiń pikirinshe, mundai mekemelerde kóbine reseilik barlaýshylar men yqpal etý agentteri jasyrynady.
Batystyń arnaiy qyzmetteriniń osy qujatpen tanysqan ókilderi de jýrnalister boljamyn qýattap otyr.
