Almatynyń qalalyq sotynda Timýr Qulybaevtyń aktivterine qatysty is qaralyp jatyr, - dep habarlaidy Dalanews.kz Nege.aqsha-ǵa siltep.
Halyqaralyq tergeýshi jýrnalister konsortsiýmy (ICIJ) Qulybaev týraly úlken tergeý jariialaǵan.
Ondaǵy málimetter boiynsha:
"2007 jylǵa qarai Qulybaev eń bai adamdardyń tiziminen biraq shyǵyp, Forbes milliarderleriniń qataryna kirgen. ICIJ tergeýi boiynsha, Arvind Tikýdiń (úndistandyq milliarder) kómegimen satyp alǵan Berkshirdegi Sanninghill parkindegi jyljymaityn múlik alǵan. Bul sol jyly Qulybaevtyń Ulybritaniiadaǵy kompaniialar jelisi arqyly satyp alynǵan shamamen 184 million dollarǵa baǵalanǵan alty jyljymaityn múliktiń biri. Olardyń úsheýi Londondaǵy elitaly aýdan Meiferde ornalasqan", - delingen habarlamada.
Sol jyly Timýr Qulybaev Kensington aýdanynda quny 54,5 million dollar bolatyn taǵy eki jyljymaityn múlik satyp alǵan.
2007 jyly Caspian Cabals qujattaryna sáikes, Qulybaev pen onyń seriktesteri Bagam araldary men Britandyq Virgin araldary siiaqty óte qupiia iýrisdiktsiialarda tirkelgen kompaniialar arqyly jyljymaityn múlik satyp alǵan.
Sondai-aq Nazarbaevtyń kúieýbalasy jáne onyń seriktesteri Ulybritaniiada, Niderlandyda, Ispaniiada, Liýksembýrgte jáne basqa da Eýropa elderinde jyljymaityn múlik satyp alý jáne Qulybaevtyń korporativtik aktivterin basqarý úshin kompaniialar qurǵan.
Sonymen qatar, ICIJ zertteýleri boiynsha, Chevron men kompaniia seriktesteri Qulybaevpen bailanysty kompaniialarmen kelisimsharttar jasasqan. Mysaly 2011 jyly "Kaspii qubyr konsortsiýmy" Qulybaevtyń «Steppe Capital» singapýrlyq qory arqyly baqylaýynda bolǵan «KazStroiServis» kompaniiasymen Qazaqstanda eki sorǵy stansasynyń qurylysyna kelisimshartqa qol qoiǵan. Jobanyń bastapqy quny 276,5 million dollardy qurady, biraq sońynda qurylystyń aiaqtalý ýaqyty da sozylyp ketken: joba 2,5 jyldyń ornyna 6,5 jylda aiaqtalǵan.
"Jobalar keshiktirilip jatqanda, Qulybaev pen onyń ainalasyndaǵylar sán-saltanatpen ómir súrýin jalǵastyrdy. Mysaly, áieli Dinaranyń týǵan kúnin toilaýǵa jáne Ispaniiadaǵy jazǵy demalysqa shamamen 1,6 million dollar jumsalǵan".
Eske salaiyq, buǵan deiin Timýr Qulybaevtyń oligopoliia sýbektileriniń qupiia tizimine engizilgeni týraly qujattyq dálelder tabylǵanyn jazǵan edik.
Buǵan deiin eks-prezidenttiń kúieý balasyna tiesili túrli aktivterdiń ara-tura tárkilenetinin eskersek, buryn bul boljam ǵana bolatyn.
Nege.Aqsha arnasynyń qolda bar qujattarynda zańsyz alynǵan múlikti memleketke qaitarý jónindegi komissiianyń 2023 jylǵy 13 qazandaǵy sheshimimen Qulybaev «Zańsyz alynǵan múlikti memleketke qaitarý týraly» Zańynyń sýbektileriniń tizilimine engizilgeni aitylady. 2023 jyldyń jeltoqsanynda Bas prokýratýra janyndaǵy Aktivterdi qaitarý komitetiniń talaby boiynsha 2025 jyldyń aqpanyna deiin ýaqytsha sharalar qoldanylǵan.
Atap aitqanda, Qulybaevqa, onyń baqylaýyndaǵy «Qamqor Menedjment» JShS-ne, «Azamattarǵa arnalǵan úkimet» jáne «Baǵaly qaǵazdardyń ortalyq depozitariii» memlekettik mekemesine kez kelgen nysanda ielikten shyǵarý áreketterin jasaýǵa tyiym salyndy. Buǵan qaryzdyq jáne ózge de mindettemelerdi jasaýǵa, múlikke úshinshi tulǵalardyń kepildigine jáne ózge de quqyqtaryna aýyrtpalyq salýǵa jáne olardy senimgerlik basqarýǵa berýge baǵyttalǵan mámileler, sondai-aq «Temirjol jóndeý» JShS jarǵylyq kapitalyndaǵy 100% úlesinen dividendter tóleý jatady. Sondai-aq, 2024 jyldyń 4 qańtarynda kompaniianyń Astanadaǵy jyljymaityn múlkine, onyń ishinde sheberhanalarǵa, temirjoldarǵa, garajdarǵa, qoimalarǵa jáne jer telimderine tyiym salýlar men shekteýler engizildi.
Esterińizge sala keteiik, «Temirjol jóndeý» seriktestigi temirjol jáne avtomobil joldaryn salý jáne jóndeýmen ainalysady jáne «Qamqor Menedjment» holdinginiń quramyna kiredi.
