“Qazaqstan temir jolynyń” enshiles kompaniiasy “KTZ EXPRES” AQ áskeri tasymaldaý salasynda monopoliialyq joǵary tarifter belgilegeni úshin jaýapkershilikke tartyldy, dep habarlaidy Dalanews.kz.
Básekelestikti qorǵaý jáne damytý agenttiginiń málimetinshe, 2021 jyly kompaniia kólik-ekspeditorlyq qyzmetter úshin belgilengen komissiialyq tólemderdi 30%-ǵa deiin kótergen. Tergeý nátijesinde 10 114 304,84 teńge zańsyz tabys retinde tárkilenip, 853 379,7 teńgekóleminde aiyppul salyndy.
Sottyń sheshimimen “KTZ EXPRES” AQ básekelestik zańnamasyn buzǵany úshin jazalandy.
Eske salaiyq, buǵan deiin Qarjylyq monitoring agenttigi Bas prokýratýranyń úilestirýimen osy jyldyń 8-10 aqpany aralyǵynda elimizdiń barlyq óńirlerinde keń aýqymdy operatsiia júrgizdi, nátijesinde tutyný kooperativiniń atyn jamylǵan "Asar Baspana" qarjy piramidasynyń zańsyz qyzmeti toqtatylǵanyn habarlady.
Qarjy piramidasyn uiymdastyrýshylar salymshylarǵa jyljymaityn múlikti, kólik quraldaryn, sondai-aq turmystyq ónimderdi (biologiialyq belsendi qospalar, as úi ydystary, kosmetika, turmystyq himiia jáne basqa da taýarlar) satyp alý úshin qarajat salýdy usynǵan, al qarymyna ai saiyn salynǵan somanyń 30% - na deiin paida tabýǵa ýáde bergen.
Kompaniialardyń keńselerinde jáne kúdiktilerdiń turǵylyqty jeri boiynsha júrgizilgen tintý barysynda 1,2 mlrd teńgeden astam somada qolma-qol aqsha jáne ishinde premiým klasty kólikter bar 13 avtomashina tárkilendi.
Eki qarjylyq piramida uiymdastyrýshy ustalyp, olarǵa qatysty sot eki ai merzimge qamaýǵa alý túrindegi is-shara sanktsiialady.
Sotqa deiingi tergeý jalǵasýda.
QR QIJK-niń 201-babyna sáikes ózge de aqparat jariia etýge jatpaidy.
