“قازاقستان تەمىر جولىنىڭ” ەنشىلەس كومپانياسى “KTZ EXPRES” اق اسكەري تاسىمالداۋ سالاسىندا مونوپوليالىق جوعارى تاريفتەر بەلگىلەگەنى ءۇشىن جاۋاپكەرشىلىككە تارتىلدى، دەپ حابارلايدى Dalanews.kz.

باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە، 2021 جىلى كومپانيا كولىك-ەكسپەديتورلىق قىزمەتتەر ءۇشىن بەلگىلەنگەن كوميسسيالىق تولەمدەردى 30%-عا دەيىن كوتەرگەن. تەرگەۋ ناتيجەسىندە 10 114 304،84 تەڭگە زاڭسىز تابىس رەتىندە تاركىلەنىپ، 853 379،7 تەڭگەكولەمىندە ايىپپۇل سالىندى.

سوتتىڭ شەشىمىمەن “KTZ EXPRES” اق باسەكەلەستىك زاڭناماسىن بۇزعانى ءۇشىن جازالاندى.

ەسكە سالايىق، بۇعان دەيىن قارجىلىق مونيتورينگ اگەنتتىگى باس پروكۋراتۋرانىڭ ۇيلەستىرۋىمەن وسى جىلدىڭ 8-10 اقپانى ارالىعىندا ەلىمىزدىڭ بارلىق وڭىرلەرىندە كەڭ اۋقىمدى وپەراسيا جۇرگىزدى، ناتيجەسىندە تۇتىنۋ كووپەراتيۆىنىڭ اتىن جامىلعان "Asar Baspana" قارجى پيراميداسىنىڭ زاڭسىز قىزمەتى توقتاتىلعانىن حابارلادى. 

قارجى پيراميداسىن ۇيىمداستىرۋشىلار سالىمشىلارعا جىلجىمايتىن مۇلىكتى، كولىك قۇرالدارىن، سونداي-اق تۇرمىستىق ونىمدەردى (بيولوگيالىق بەلسەندى قوسپالار، اس ءۇي ىدىستارى، كوسمەتيكا، تۇرمىستىق حيميا جانە باسقا دا تاۋارلار) ساتىپ الۋ ءۇشىن قاراجات سالۋدى ۇسىنعان، ال قارىمىنا اي سايىن سالىنعان سومانىڭ 30% - نا دەيىن پايدا تابۋعا ۋادە بەرگەن.

كومپانيالاردىڭ كەڭسەلەرىندە جانە كۇدىكتىلەردىڭ تۇرعىلىقتى جەرى بويىنشا جۇرگىزىلگەن ءتىنتۋ بارىسىندا 1،2 ملرد تەڭگەدەن استام سومادا قولما-قول اقشا جانە  ىشىندە پرەميۋم كلاستى كولىكتەر بار 13 اۆتوماشينا تاركىلەندى.

ەكى قارجىلىق پيراميدا ۇيىمداستىرۋشى ۇستالىپ، ولارعا قاتىستى سوت ەكى اي مەرزىمگە قاماۋعا الۋ تۇرىندەگى ءىس-شارا سانكسيالادى.

سوتقا دەيىنگى تەرگەۋ جالعاسۋدا.

ق ر قىجك-نىڭ 201-بابىنا سايكەس وزگە دە اقپارات جاريا ەتۋگە جاتپايدى.