Basqosýdyń basty maqsaty – temirjol qyzmetkerlerine sybailas jemqorlyqqa qarsy zańnamaǵa engizilgen ózgeristerdi túsindirý. Esterińizge salsaq, ústimizdegi jyly elimizdiń birqatar zańnamasyna ózgerister men tolyqtyrýlar engizilip, oǵan qarasha aiynda Memleket basshysy Qasym-Jomart Toqaev qol qoiǵan.
«Sybailas jemqorlyqqa qarsy kúres týraly» Zańnyń 22 baby boiynsha jemqorlyq oqiǵasy oryn alǵanda barlyq memlekettik organdar, uiymdar, kvazimemlekettik sektor men ókiletti tulǵalar jaýapkershilikti bólisetin boldy.
Temirjol kompaniiasynyń basshysyna baǵynyshty qyzmetkerler qandai da bir jemqorlyq oqiǵasymen shatylsa, basshysy tártiptik jazaǵa tartylady. Árine, mundai oqiǵalar «QTJ» UK» AQ-ynda oryn almaýy tiis. Bul úshin temir jol salasynyń barlyq qurylymynda jemqorlyqqa qarsy kúres sharalary kúsheitilip, onyń ózektiligin túsindirý baǵytynda kóptegen jumystar júrip jatyr.
Aldaǵy 2020 jyly kompaniiada adaldyq qaǵidalaryn qalyptastyryp, sybailas jemqorlyqqa tózbeýshiliktiń pritsipterin keńinen nasihattaý kózdelýde.
Búginde temirjol salasyndaǵy jemqorlyqty boldyrmaý jáne onyń aldyn alý isimen «Adal jol» jobalyq keńsesi ainalysýda. Bul joba Jemqorlyqqa qarsy kúres agenttigimen birlesip qurylǵan.
Ústimizdegi jyly jobalyq keńse men «QTJ» UK» AQ birlesip, kompaniia ishinde kóptegen jumystar atqardy. Nátijesi óte joǵary.
Aitalyq, QR Investitsiia jáne damý ministrliginiń 2019 jyly 2 tamyzynda temirjol biletterin qaita satýǵa, jolaýshylar men júk tasymaldaý tártipterine engizgen ózgerister men kásipkerlik-úrdisterdi avtomattandyrý baǵytynda qolǵa alynǵan jumys nátijesinde jolaýshylarǵa kórsetiletin qyzmet pen temirjoldaǵy jumys sapasy aitarlyqtai artqanyn atap aitýǵa bolady.
Máselen, jol júrý biletteriniń elektrondy satý júiesin jetildirý isi jasandy bilet tapshylyǵynyń jolyn kesken. Sol siiaqty elektrondy kezek kútý júiesi de jumystyń sapasynyń jaqsarýyna yqpal etken.
Qandaida bir jaǵdaimen jol júrýden bas tartqan jolaýshynyń biletin elektrondy kezekte turǵan kelesi adamnyń satyp alatyn múmkindik týdy. Jańa júie boiynsha jolaýshy biletin ótkizgen jaǵdaida kelesi adamnyń jeke elektrondy kabineti men elektrondy poshtasyna aqparat kelip túsedi. Budan keiin klient 2 saǵattyń ishinde tólem jasap, ózine tiesili biletti alýy kerek. Eger klient belgilengen merzim aralyǵynda tólem jasamasa, onyń ótinishi avtomatty túrde joiylyp, bilet kelesi adamǵa ótedi.
Osylaisha bilet satý júiesine engizilgen ózgerister vokzalda bilet izdep sabylǵan halyqtyń «alypsatarlardyń» arbaýyna túspeýine yqpal etip otyr. Taǵy da aitsaq, bilet.railways.kz saitynyń ákimshileri shamadan tys jol júrý biletin satyp alýǵa umtylǵan 60-tan astam qoldanýshylardy buǵattaǵan.
Sonymen qatar toptasqan jolaýshylardyń ótinishin qabyldaý júiesi avtomattandyrylǵanyn aita ketýimiz kerek.
Budan basqa bóten bireýdiń atymen jol júrý biletin rásimdeitin alaiaqtardyń da joly kesildi. Bir sózben aitsaq jol kóligin elektrondy formatta rásimdeitin bilet.railways.kz saity tolyqtai ózgertilip, jańartyldy.
Jańa saittan kez kelgen adam barlyq marshrýttardy baqylai alady. Saittan jolaýshylar árbir marshrýtty júrý ýaqyty men árbir stansaǵa qai ýaqytta keletinin úiden shyqpai bile alady. Jańa saittyń uialy telefondaǵy mobildi nusqasy da jumys istep tur.
Kez kelgen jolaýshy saittyń qyzmetin paidalanyp, bilet satyp alý barysynda ýaqytyn únemdei alady. Eger jolaýshynyń barar jeri jaqyn bolsa, ol saitta otyryp bilet qunynan jatyn orynǵa qajetti kórpe jastyqtyń tysyn alyp tastai alady. Mundai jaǵdaida bilettiń quny birshama tómendeitini belgili.
Sonymen qatar saitqa tirkelý barysy da meilinshe jeńildedi. Búginde saitty qoldanýshylar saitqa tirkelgenin rastaityn nomerdi jeke poshtasyn ashyp, uzaq kútip otyrmaidy. Qoldanýshynyń saitqa tirkelgeni jaiyndaǵy aqparat sol zamatta jolaýshynyń jeke poshtasyna keledi.
Osyndai jumystyń arqasynda alypsatarlardyń jasandy bilet tapshylyǵyn týdyrý isine tosqaýyl qoiyldy.
Bilet satý isin zaman talabyna sai jetildirýdiń arqasynda ishki reviziialyq qyzmet te jandana túsken. Budan basqa biletsiz júretin jolaýshylar men rásimdelmegen júkterdiń de joly kesilgenin atap aitýǵa bolady.
Buǵan deiin baqylaýshy revizorlar QTJ-nyń aýmaqtyq qurylymdarynda shtatynda jumys istep kelgeni edi. Osylaisha olar bir jerde jyldar boiy jumys istep, ókiletti memlekettik organdarmen tonnyń ishki baýyndai aralasyp ketkeni jasyryn emes.
Sońǵy qaita qurylymdaýdan keiin revizorlar shtaty tolyqtai ózgerip, olar «Jolaýshylar tasymaly» AQ-dan ketip, kompaniianyń ortalyq keńsesine baǵynatyn boldy. Nátijesinde ishki baqylaý isi artyp, tártip buzý oqiǵalary pyshaq keskendei tyiyldy.
Búginde júk tielgen vagondy basqarý isi qaǵaz toltyrýdan tolyqtai ketip, elektrondy formatqa kóshti. Kelisimshart negizinde jumys isteitin kommertsiialyq jumystar júiesi avtomattandyrylǵaly beri júkterdi jóneltip, qabyldap alatyn temirjolshylardyń jumysy jaqsaryp, sapasy artqan.
Aldaǵy ýaqytta kommertsiialyq negizde júk tasymaldaý júiesin jetildirip, júk jóneltýdi josparlaý, qujattardy rásimdeý, jetkizilgen júktiń aqysyn tóleý, aldyn ala aqparat berý, shekaralyq árekettesýde erkin aqparat almasý isterin damytý qolǵa alynbaq.
Kelisimshart negizinde jumys isteitin kommertsiialyq jumystar júiesi avtomattanǵaly beri el azamattary júkteri dál ýaqytynda keletinin jáne halyqqa qolaily ekenin aityp, jumys barysyn joǵary baǵalaýda. Qaǵazbasylyqtan bas tartqannyń arqasynda qajetsiz kelisimderdi joiyp, jolaýshy jáne júk tasymalynyń tiimdiligi men jedel áreket etýin qamtamasyz etip otyr. Klienttiń jeke kabinet arqyly aqsha aýdarymdaryn baqylaý isi meilinshe jeńildegenin aita ketýimiz kerek.
Aldaǵy jyly «Adal jol» jobasy aiasynda jemqorlyqqa qatysty táýekelge taldaý, kompaniianyń ortalyq apparaty men oǵan baǵynyshty qurylymdarda qyzmetin baǵalaý isi qolǵa alynbaqshy. Budan keiin sol jumystardyń nátijesin basshylyqqa alyp, jemqorlyqty týdyratyn jaittardy túbirimen joiý kózdelýde.
Aldaǵy ýaqytta kompaniia men onyń enshiles mekemeleri aktiler men biznes-úrdistiń reinjiniringine reviziia jasaityn bolady. Osylaisha qazir temir jol salasyndaǵy barlyq qyzmetti elektrondy formatqa kóshirý baǵytynda qyzý jumystar júrip jatyr.
«Qazaqstan temir joly» UK» AQ-y men
QR Sybailas jemqorlyqqa qarsy kúres agenttiginiń
Baspasóz qyzmeti
