Memleket basshysy «Qazaqstan temir joly» UK» AQ basqarma tóraǵasy Talǵat Aldybergenovti qabyldady, dep habarlaidy Dalanews.kz.
Qasym-Jomart Toqaevqa kompaniianyń ótken jyly atqarǵan qyzmetiniń nátijeleri jóninde málimet berilip, aldaǵy kezeńge arnalǵan jospary tanystyryldy.
Talǵat Aldybergenov:
- tariftik júk ainalymy 10 paiyzǵa artyp, 289 milliard tonna-shaqyrymdy quraǵanyn aitty.
Tasymal kólemi 5,5 paiyzǵa ulǵaiyp, 320 million tonnaǵa deiin jetken. Eksporttyq tasymal 89 million tonnadan asty. Júk tranziti 20 paiyzdan astam ósip, 33 million tonna boldy.
- byltyr paidalanýǵa berilgen Dostyq – Moiynty temir jolynyń ekinshi jelisi arqyly 6 million tonna nemese 100 myń vagonnan asa júk jetkizilgenin baiandady.
Almaty beketin ainalyp ótetin temir joldaǵy tehnikalyq qozǵalysqa ruqsat etildi.
Temirjol infraqurylymdaryn tartý jáne jańǵyrtý jumystary jalǵasyp jatyr. Jobalardyń jalpy uzyndyǵy 3900 shaqyrymdy quraidy.
- kompaniia qyzmetinde qaýipsizdikti, tiimdilik pen ashyqtyqty qamtamasyz etý úshin jasandy intellektini engizý arqyly tsifrlyq jobalar júzege asyrylyp jatqanyn jetkizdi.
Tálimgerlik institýty jolǵa qoiylyp, jastar kadrlyq rezervi jasaqtalǵan.
Prezident:
áleýmettik máselelerdi sheshýdiń mańyzyn atap ótip, temirjolshylarǵa arnalǵan qoljetimdi turǵyn úi salý bastamasyn quptady.
«Qazaqstan temir joly» UK» aktsionerlik qoǵamyn transformatsiialaýdy jalǵastyrý, iri sheteldik kompaniialarmen yntymaqtastyqty nyǵaitý, tsifrlyq sheshimderdi engizý, mýltimodaldyq logistikany damytý maqsatynda infraqurylymdardy keńeitý jóninde tapsyrma berdi.
