مەملەكەت باسشىسى «قازاقستان تەمىر جولى» ۇك» اق باسقارما ءتوراعاسى تالعات الدىبەرگەنوۆتى قابىلدادى، دەپ حابارلايدى Dalanews.kz.

قاسىم-جومارت توقايەۆقا كومپانيانىڭ وتكەن جىلى اتقارعان قىزمەتىنىڭ ناتيجەلەرى جونىندە مالىمەت بەرىلىپ، الداعى كەزەڭگە ارنالعان جوسپارى تانىستىرىلدى.

تالعات الدىبەرگەنوۆ:

• تاريفتىك جۇك اينالىمى 10 پايىزعا ارتىپ، 289 ميلليارد توننا-شاقىرىمدى قۇراعانىن ايتتى.

تاسىمال كولەمى 5،5 پايىزعا ۇلعايىپ، 320 ميلليون تونناعا دەيىن جەتكەن. ەكسپورتتىق تاسىمال 89 ميلليون توننادان استى. جۇك ءترانزيتى 20 پايىزدان استام ءوسىپ، 33 ميلليون توننا بولدى.

• بىلتىر پايدالانۋعا بەرىلگەن دوستىق – مويىنتى تەمىر جولىنىڭ ەكىنشى جەلىسى ارقىلى 6 ميلليون توننا نەمەسە 100 مىڭ ۆاگوننان اسا جۇك جەتكىزىلگەنىن باياندادى.

الماتى بەكەتىن اينالىپ وتەتىن تەمىر جولداعى تەحنيكالىق قوزعالىسقا رۇقسات ەتىلدى.

تەمىرجول ينفراقۇرىلىمدارىن تارتۋ جانە جاڭعىرتۋ جۇمىستارى جالعاسىپ جاتىر. جوبالاردىڭ جالپى ۇزىندىعى 3900 شاقىرىمدى قۇرايدى.

• كومپانيا قىزمەتىندە قاۋىپسىزدىكتى، تيىمدىلىك پەن اشىقتىقتى قامتاماسىز ەتۋ ءۇشىن جاساندى ينتەللەكتىنى ەنگىزۋ ارقىلى سيفرلىق جوبالار جۇزەگە اسىرىلىپ جاتقانىن جەتكىزدى.

تالىمگەرلىك ينستيتۋتى جولعا قويىلىپ، جاستار كادرلىق رەزەرۆى جاساقتالعان.

پرەزيدەنت: 

الەۋمەتتىك ماسەلەلەردى شەشۋدىڭ ماڭىزىن اتاپ ءوتىپ، تەمىرجولشىلارعا ارنالعان قولجەتىمدى تۇرعىن ءۇي سالۋ باستاماسىن قۇپتادى.

«قازاقستان تەمىر جولى» ۇك» اكسيونەرلىك قوعامىن ترانسفورماسيالاۋدى جالعاستىرۋ، ءىرى شەتەلدىك كومپانيالارمەن ىنتىماقتاستىقتى نىعايتۋ، سيفرلىق شەشىمدەردى ەنگىزۋ، مۋلتيمودالدىق لوگيستيكانى دامىتۋ ماقساتىندا ينفراقۇرىلىمداردى كەڭەيتۋ جونىندە تاپسىرما بەردى.