QR SIM Aýǵanstandaǵy ahýalǵa bailanysty málimdeme jasady
Qazaqstan Aýǵanstandaǵy jaǵdaidyń damý barysyn muqiiat qadaǵalap otyr.
Atalǵan eldiń tarihynda taǵy bir sheshýshi sát kele jatyr. Kópjyldyq janjaldy aýǵan halqy ózi sheshýi kerek, - dedi QR SIM baspasóz qyzmeti.
Qazaqstan barlyq taraptardy ishki turaqtandyrýdyń basty alǵysharty retinde biliktiń beibit tranzitin qamtamasyz etýge shaqyrady.
Biz BUU Qaýipsizdik Keńesiniń inkliýzivti jáne ókildik úkimet qurý, ulttyq azshylyqtar men áielderdiń quqyqtaryn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq quqyqty saqtaý týraly málimdemesin qoldaimyz, delingen resmi málimdemede.
Osy erejelerdi oryndaý Aýǵanstannyń jańa biligimen dialogty bastaý úshin qajetti shart bolýy tiis, - deidi QR SIM baspasóz qyzmeti.
