قازاقستان اۋعانستانداعى جاعدايدىڭ دامۋ بارىسىن مۇقيات قاداعالاپ وتىر.
اتالعان ەلدىڭ تاريحىندا تاعى ءبىر شەشۋشى ءسات كەلە جاتىر. كوپجىلدىق جانجالدى اۋعان حالقى ءوزى شەشۋى كەرەك، - دەدى ق ر ءسىم باسپا ءسوز قىزمەتى.
قازاقستان بارلىق تاراپتاردى ىشكى تۇراقتاندىرۋدىڭ باستى العىشارتى رەتىندە بيلىكتىڭ بەيبىت ءترانزيتىن قامتاماسىز ەتۋگە شاقىرادى.
ءبىز بۇۇ قاۋىپسىزدىك كەڭەسىنىڭ ينكليۋزيۆتى جانە وكىلدىك ۇكىمەت قۇرۋ، ۇلتتىق ازشىلىقتار مەن ايەلدەردىڭ قۇقىقتارىن قۇرمەتتەۋ، باسقا مەملەكەتتەرگە ءقاۋىپ توندىرەتىن توپتاردىڭ بولۋىنا جول بەرمەۋ، حالىقارالىق قۇقىقتى ساقتاۋ تۋرالى مالىمدەمەسىن قولدايمىز، دەلىنگەن رەسمي مالىمدەمەدە.
وسى ەرەجەلەردى ورىنداۋ اۋعانستاننىڭ جاڭا بيلىگىمەن ديالوگتى باستاۋ ءۇشىن قاجەتتى شارت بولۋى ءتيىس، - دەيدى ق ر ءسىم باسپا ءسوز قىزمەتى.
