Qostanaidaǵy erekshe qajettilikteri bar balalarǵa arnalǵan áleýmettik qyzmet kórsetý ortalyǵynda jantúrshigerlik jaǵdai oryn aldy. Tárbieshi 16 jastaǵy jasóspirim qyzdy útikpen kúidirgen, dep habarlaidy Dalanews.kz.
Atalǵan ortalyqta tárbielenip jatqan balalardyń deni psihiatriialyq diagnozy bar, iaǵni minez-qulqy kúrdeli, erekshe kútimdi qajet etetin jandar. Mundai balalarmen jumys isteý ońai bolmasa da, bul eshqashan qatygezdik pen azaptaýǵa jol beretin sebep bola almaidy.
Bizdiń derekkózderimizdiń aitýynsha, tárbieshi janjal kezinde óz-ózine ie bola almai, birneshe márte qyzǵan útikti jasóspirimniń denesine basqan. Qyzmetkerler arasyndaǵy bul sumdyq jaittan habardar bolǵan ortalyq basshylyǵy dereý politsiia shaqyrtqan.
Oqiǵaǵa qatysty resmi málimet alý ázirge múmkin bolmai tur. Sebebi, ortalyq direktory Dina Qusalina eki kún buryn basqa qyzmetke aýystyrylǵan.
Kúdikti tárbieshi qazir qylmystyq qýdalaýǵa alynǵan. Ol jáne onyń birge jumys istegen áriptesi qyzmetinen bosatyldy. Eger tergeý nátijesinde onyń kinási dáleldense, oǵan eki jylǵa deiin bas bostandyǵynan aiyrý jazasy taǵaiyndalýy múmkin.
