Qostanai oblysynyń ákimi Qumar Aqsaqalov orynbasary Gúlbaram Musaǵazina ustalýyna qatysty túsinikteme berdi,dep habarlaidy Dalanews.kz "TobolInfo"-ǵa siltep.
Aimaq basshysynyń aitýynsha, Gúlbaram Musaǵazina 11 aqpanda óz ótinishi negizinde qyzmetinen bosatylǵan.
"Gúlbaram Musaǵazinaǵa qatysty sotqa deiingi tergeý bastalǵany jóninde aqparat tarady. Qazir tergeý júrgizilip jatyr. Zańnamaǵa sáikes memlekettik organdar tergeý barysyna aralasa almaidy jáne qandai da bir baǵa berýge quqyly emes. Barlyq mán-jai jan-jaqty ári obektivti qaralady dep senemin", - dedi oblys ákimi.
Buǵan deiin Ulttyq qaýipsizdik komiteti Qostanai oblysy ákiminiń orynbasary ustalǵanyn rastaǵan edi. Vedomstvo sotqa deiingi tergeý júrgizilip jatqanyn habarlaǵan.
