قوستاناي وبلىسىنىڭ اكىمى قۇمار اقساقالوۆ ورىنباسارى گۇلبارام مۇساعازينا ۇستالۋىنا قاتىستى تۇسىنىكتەمە بەردى،دەپ حابارلايدى Dalanews.kz "توبولينفو"-عا سىلتەپ.
ايماق باسشىسىنىڭ ايتۋىنشا، گۇلبارام مۇساعازينا 11 اقپاندا ءوز ءوتىنىشى نەگىزىندە قىزمەتىنەن بوساتىلعان.
"گۇلبارام مۇساعازيناعا قاتىستى سوتقا دەيىنگى تەرگەۋ باستالعانى جونىندە اقپارات تارادى. ءقازىر تەرگەۋ جۇرگىزىلىپ جاتىر. زاڭناماعا سايكەس مەملەكەتتىك ورگاندار تەرگەۋ بارىسىنا ارالاسا المايدى جانە قانداي دا ءبىر باعا بەرۋگە قۇقىلى ەمەس. بارلىق ءمان-جاي جان-جاقتى ءارى وبەكتيۆتى قارالادى دەپ سەنەمىن"، - دەدى وبلىس اكىمى.
بۇعان دەيىن ۇلتتىق قاۋىپسىزدىك كوميتەتى قوستاناي وبلىسى اكىمىنىڭ ورىنباسارى ۇستالعانىن راستاعان ەدى. ۆەدومستۆو سوتقا دەيىنگى تەرگەۋ جۇرگىزىلىپ جاتقانىن حابارلاعان.
