"Qosymsha qun salyǵy búkil sala úshin óspeidi". QR Premer-ministriniń orynbasary – ulttyq ekonomika ministri Serik Jumanǵarinmen Qarjy ministri Mádi Tákiev jýrnalistermen kezdesý barysynda osylai dedi, dep jazady Dalanews.kz.
Aita ketsek, qańtar aiynynń sońynda Memleket basshysynyń tóraǵalyǵymen ótken Úkimettiń keńeitilgen otyrysynda ministrler kabineti qosymsha qun salyǵy (QQS) mólsherlemesin 15%-dan 20%-ǵa deiin arttyrý jáne QQS boiynsha tirkeý shegin 15 mln teńgege deiin tómendetý kerektigin aitqan bolatyn. Bul jańashyldyq biznes qaýymdastyǵy úshin tóbeden túsken jaimen birdei bolyp, ár platformada olar óz narazylyqtaryn bildirip úlgerdi. Ásirese, aýylsharýashylyǵy salasyndaǵylar. Alaida Serik Jumanǵarinniń aitýynsha, aýyl sharýashylyǵy salasy úshin QQS degen múlde bolmaýy da múmkin. Jýrnalistermen bolǵan kezdesýde úkimet músheleri osyndai túsinbestik bolmas úshin talqydaǵy salyq jáne biýdjet reformasyna qatysty birqatar málimetterge egjei-tegjei toqtaldy.
"Mysaly, azyq-túlik óndirýshiler úshin úsh nusqa talqylanýda: mólsherlemeni 12% deńgeiinde saqtaý nemese ony 5%-ǵa deiin tómendetý, taǵy bolmasa QQS-tan múlde bosatý. Farmatsevtika sektory úshin de QQS 5%-ǵa deiin tómendeýi múmkin. Turǵyn úi qurylysy salasynda QQS ornyna infraqurylymdyq alymdy engizý usynylyp otyr", - dedi Serik Jumanǵarin.
Ministr turǵyn úi salasyna qatysty QQS-ti infraqurylymdyq alymmen almastyrý týraly usynysty biznes qaýymdastyqtyń ózi alǵa tartyp otyrǵanyn jetkizdi.
"Qurylys kompaniia tóleitin infraqurylymdyq tólemdi engizetin bolarmyz. Ázirge infraqurylymdyq tólemge bailanysty 1 sharshy metri 40 dollardan 60 dollarǵa deiin. Jańa bir salyq túrin oilap tappaimyz. Baspananyń sanatyna qarai osylardy talqylap jatyrmyz", — dedi Serik Jumanǵarin.
Jumanǵarinnyń oiynsha, bul - bárine unap otyrǵan jaqsy usynys.
"Osyny qazir qyzý talqylaýdamyz. Eshbir jaǵdaida QQS pen alym qatar júrmeidi. Múmkin osy salyq nól paiyz bolyp, ornyna infraqurylym alymy júrýi múmkin. Nemese QQS tómendeidi. Biraq bul biz kózdep otyrǵan 20%-dyq deńgei emes», — dedi premer-ministrdiń orynbasary.
QQS shegin tómendetýge qatysty Serik Jumanǵarin túrli nusqalar talqylanyp jatqanyn, biraq eń yqtimaly qazirdiń ózinde jariialanǵan 15 mln teńge deńgeiinde ekenin aitty. Sonymen qatar, bólshek salyqty paidalana alatyn kompaniialardyń sany da aitarlyqtai qysqarady.
Al buǵan deiin keibir kásipkerlerge qarastyrylǵan salyqtyq jeńildik alynsa, onda ol QQS-qa qosymsha (eger shekti mánnen asyp ketse) korporativtik tabys salyǵyn (KTS) da tóleidi. Osylaisha, mundaida salyq aýyrtpalyǵy 2-8%-dan (bólshek saýda salyǵy) 40%-ǵa (usynylǵan QQS jáne KTS mólsherlemesi) deiin artady.
Jumanǵarin munyń barlyǵy Ulttyq qorǵa jáne Eńbekaqy tóleý qoryna túsetin júktemeni azaitýǵa múmkindik beretinin naqtylaidy.
Buǵan deiin saitymyzda "QQS mólsherlemesin arttyrýǵa qarsymyz! Biznes qaýymdastyq petitsiia jobasyn ázirlep jatyr" degen maqala shyqqan. "Elimizde qosymsha qun salyǵyn ósirý kózdelip otyr. sarapshylar qaýymy buǵan nege qarsy" degen maqalamen de tanysa otyryńyzdar.
