Jambyl oblysy Turar Rysqulov aýdanynda turǵyndardyń biri áleýmettik jelide video jariialap, byltyr shamamen 1 milliard teńgege salynǵan gidrotehnikalyq nysannyń bir bóligi opyrylyp túskenin málimdedi, dep habarlaidy dalanews.kz.
Video avtorynyń aitýynsha, beton qabyrǵa tolyqtai ishke qarai qulap, qurylymnyń ózge bólikterinde de jaryqtar paida bolǵan.
“Qabyrǵa túgel qulap qaldy. Ishke qarai qisaiyp qulaǵan. Qalǵan bóligi de jarylyp tur, kez kelgen sátte opyrylyp ketýi múmkin. Shliýzdi ashýdyń ózi qiyndap ketti. Aýylǵa sý osy jer arqyly jiberiledi”, – deidi turǵyn.
Onyń sózinshe, qurylysqa jaýapty adamdar nysan jobaǵa sáikes salynǵanyn aitqan. Alaida turǵyn jobada tórt armatýra qarastyrylǵanymen, is júzinde ekeýi ǵana paidalanylǵanyn alǵa tartady. Onyń pikirinshe, qabyrǵanyń qulaýyna osy sebep bolýy múmkin.
Atalǵan aqparatqa qatysty ázirge jergilikti ákimdik pen jaýapty memlekettik organdar resmi túsinikteme bergen joq.
Turǵyndar quzyrly organdardan atalǵan nysannyń qurylysyna tekserý júrgizip, onyń opyrylý sebepterin anyqtaýdy surap otyr.
