Qazaqstan ulttyq quramasynyń bas bapkeri Stanislav Cherchesov qyzmetinen ketýi múmkin, dep habarlaidy Dalanews.kz.
Bul týraly Ino-Karp telegram arnasy málimdedi.
“Stanislav Cherchesov Qazaqstan quramasynan ketedi. Fýtbol federatsiiasynyń jańa prezidenti reseilik mamandy qyzmetinen bosatyp, ornyna eki qazaqstandyq jáne bir eýropalyq mamannyń kandidatýrasyn qarastyryp jatyr. Cherchesovtyń kezinde Qazaqstan Ulttar ligasynda birde-bir matchta jeńiske jete almady, al jalpy gol aiyrmashylyǵy – 0:15. Bul týraly kommentator Maýlen málimdedi”, — deidi derekkóz.
Atalǵan aqparatqa belgili jýrnalist Mihail Kozachkov ta pikir bildirdi.
“Stanislav Cherchesov Qazaqstan fýtbol quramasynyń bas bapkeri qyzmetinen ketýi múmkin degen habar tarady. Endi “kelisimshartty buzýǵa million eýro tóleý kerek, aqshaǵa obal” degen áńgime qozǵalatyny anyq. Iá, bul az qarajat emes. Biraq bul sheshim bizge álem chempionatyna irikteý kezeńinde jańa múmkindikter syilaýy múmkin. Qarsylastarymyz da aitarlyqtai qiyn emes: Belgiia qiyn kezeńderdi bastan ótkerýde, Ýels týraly naqty aitý qiyn, al Soltústik Makedoniia men Lihtenshteindi myqty bapkerdiń, mysaly, Magomed Adievtiń jetekshiligimen jeńýge ábden bolady. Úzdik úshtikke talasýǵa múmkindigimiz bar. Qysqasy, qosh bol, Stanislav Salamuly!”, — dep jazba qaldyrdy ol.
Eske sala keteiik, reseilik maman bas bapkerlikke kelgennen beri Qazaqstan quramasy bes oiynda jeńilip, bir kezdesýde teń tústi.
Aita keteiik, buǵan deiin Cherchesov kópshiliktiń synyna ilikken edi. Ulttar ligasy aiasynda Sloveniiamen ótken machtan keiingi baspasóz konferentsiiasynda marqum Amangeldi Seiithannyń uly Begasyl Seiithan Stanislav Cherchesovke qazaq tilinde suraq qoiady. Bas bapker jýrnalistiń ústine Frantsiianyń PSJ klýbynyń jeidesin kiip alǵanyn ázilge ainaldyrǵysy keldi me, áiteýir: "Sen qai tilde sóilep tursyń – frantsýzsha ma?" dep sózin bóldi. Sonan soń basyn izep, suraǵyn jalǵastyrýǵa bolatynyn ańǵartty.
Odan keiin kópshilik Stanislav Cherchesovtiń munysyn qazaq tilin kemsitýge balap, áleýmettik jelide osy suqbattyń videosyn jappai bólise bastady. Týrizm jáne sport ministrligi bul jaǵdaiǵa bei-jai qaramai, Qazaqstan fýtbol federatsiiasyna resmi hat joldady. Kóp uzamai Cherchesovke aiyppul salynǵany belgili boldy. Parlamentte bul jaily Qazaqstan fýtbol federatsiiasynyń prezidenti Ádilet Bármenqulov málim etti. Týrizm jáne sport ministri osy jaǵdailardan soń eldi sabyrǵa shaqyryp, jelide jazba jariialady.
