Qonaev qalasynda tájik-aýǵan shekarasynda, Qarabaq pen Irak Respýblikasynda urys qimyldaryna qatysýshy sarbazdardyń qurmetine memorialdy tas ashyldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Ashylý saltanatyna qala ákiminiń mindetin atqarýshy Tólegen Kenjebekov, áskeri qyzmetkerler, ardagerler qatysty.
– Bul memorial – bizdiń qaharman jaýyngerlerimizdiń erlikterin, olardyń beibitshilikti saqtaý jolyndaǵy kúresterin máńgilikke saqtaý simvoly. Taýly Qarabaq qaqtyǵysynda sol kezdegi Ishki ister ministriniń orynbasary Serikov Sailaý Dosymuly, maior Viacheslav Kotov, tehnik Gennadii Dolgov, leitenant Dmitrii Ialovenko, Irak respýblikasynda bitimgershilik missiiasynda kapitan Qudabaev Qairat Tóleýhanuly qaza tapty.
Tájik-Aýǵan shekarasyndaǵy qaqtyǵysta 46 qazaqstandyq jaýynger óz ómirin qidy. Olardyń erlikteri jastarymyzǵa, bolashaq urpaqqa ónege, – dedi Tólegen Kenjebekov.
Sodan keiin eskertkish tastyń lentasy qiylyp, gúl shoqtary qoiyldy. Keiinnen qaza tapqan sarbazdarǵa arnap 1 minýt únsizdik jariialandy.
Aita keteiik, Jeńis parki byltyr kúrdeli jóndeýden ótken. Onda UOS-ta qaza tapqan ardagerlerge, Aýǵan soǵysyna qatysqan sarbazdarǵa arnalǵan eskertkishter de bar.
