قوناەۆ قالاسىندا تەجٸك-اۋعان شەكاراسىندا, قاراباق پەن يراك رەسپۋبليكاسىندا ۇرىس قيمىلدارىنا قاتىسۋشى ساربازداردىڭ قۇرمەتٸنە مەموريالدى تاس اشىلدى, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
اشىلۋ سالتاناتىنا قالا ەكٸمٸنٸڭ مٸندەتٸن اتقارۋشى تٶلەگەن كەنجەبەكوۆ, ەسكەري قىزمەتكەرلەر, ارداگەرلەر قاتىستى.
– بۇل مەموريال – بٸزدٸڭ قاھارمان جاۋىنگەرلەرٸمٸزدٸڭ ەرلٸكتەرٸن, ولاردىڭ بەيبٸتشٸلٸكتٸ ساقتاۋ جولىنداعى كٷرەستەرٸن مەڭگٸلٸككە ساقتاۋ سيمۆولى. تاۋلى قاراباق قاقتىعىسىندا سول كەزدەگٸ ٸشكٸ ٸستەر مينيسترٸنٸڭ ورىنباسارى سەرٸكوۆ سايلاۋ دوسىمۇلى, مايور ۆياچەسلاۆ كوتوۆ, تەحنيك گەنناديي دولگوۆ, لەيتەنانت دميتريي يالوۆەنكو, يراك رەسپۋبليكاسىندا بٸتٸمگەرشٸلٸك ميسسيياسىندا كاپيتان قۇداباەۆ قايرات تٶلەۋحانۇلى قازا تاپتى.
تەجٸك-اۋعان شەكاراسىنداعى قاقتىعىستا 46 قازاقستاندىق جاۋىنگەر ٶز ٶمٸرٸن قيدى. ولاردىڭ ەرلٸكتەرٸ جاستارىمىزعا, بولاشاق ۇرپاققا ٶنەگە, – دەدٸ تٶلەگەن كەنجەبەكوۆ.
سودان كەيٸن ەسكەرتكٸش تاستىڭ لەنتاسى قيىلىپ, گٷل شوقتارى قويىلدى. كەيٸننەن قازا تاپقان ساربازدارعا ارناپ 1 مينۋت ٷنسٸزدٸك جارييالاندى.
ايتا كەتەيٸك, جەڭٸس پاركٸ بىلتىر كٷردەلٸ جٶندەۋدەن ٶتكەن. وندا ۇوس-تا قازا تاپقان ارداگەرلەرگە, اۋعان سوعىسىنا قاتىسقان ساربازدارعا ارنالعان ەسكەرتكٸشتەر دە بار.
