Búgin Qonaevtaǵy týristik-sporttyq oiyn-saýyq kesheni ASP Arena-da qysqy drift shoý ótip jatyr. Shara 16 qańtar kúni bastalǵan. Búgin aqtyq máre ótýde.
Sharany tamashalaýǵa Almaty oblysynyń ákimi Marat Sultanǵaziev te keldi.
Drift shoý úshin aýdany 20 600 sharshy metrdi quraityn Orta Aziiadaǵy eń úlken muz aidyny ashyldy.
Kólik jarysyna álemniń túkpir-túkpirinen júrgizýshiler jinalǵan. Kórermen úshin meiramhana jumys istep tur jáne tegin ystyq shai, kofe uiymdastyrylǵan.
Syilyq qory jekelei qatysýshylarǵa 1000 AQSh dollary men komandalyq esepte 2000 AQSh dollaryn qurap otyr. Drift shoýdan keiin AFTERPARTY ótedi. Onyń hedlaineri – Nigativ jáne V$XV PRiNCE.
Sondai-aq búgin Qonaev qalasynyń ákimdigi bilim, sport jáne áleýmettik qorǵaý basqarmalarymen birlesip, 500 balaǵa tegin konki tebý demalysyn uiymdastyrdy.
Jalpy ASP arena - Qonaevta júzege asyp jatqan iri investjobanyń biri. Arena aýmaǵynda qonaq úi kesheni, meiramhana, karting, 3200 kórermen siiatyn tribýna salynǵan. Jalpy aýmaǵy 63 gektardy quraidy. Tartylatyn investitsiia kólemi - 8,1 mlrd.tg. Atalǵan nysan qalada týrizmdi, avtosportty damytýǵa erekshe múmkindik beredi. Investorlardyń sózinshe, bir kúndik demalysqa jatyn oryn, muz aidynyna kirý, meiramhana, karting qosqanda 35000 teńge jumsalady. Baǵalar - qoljetimdi.
Esterińizde bolsa, munda byltyr jazda drift shoý jáne Rock festival ótken bolatyn.
