بۇگىن قونايەۆتاعى تۋريستىك-سپورتتىق ويىن-ساۋىق كەشەنى ASP Arena-دا قىسقى دريفت شوۋ ءوتىپ جاتىر. شارا 16 قاڭتار كۇنى باستالعان. بۇگىن اقتىق مارە وتۋدە.

شارانى تاماشالاۋعا الماتى وبلىسىنىڭ اكىمى مارات سۇلتانعازييەۆ تە كەلدى.

دريفت شوۋ ءۇشىن اۋدانى 20 600 شارشى مەتردى قۇرايتىن ورتا ازياداعى ەڭ ۇلكەن مۇز ايدىنى اشىلدى.

كولىك جارىسىنا الەمنىڭ تۇكپىر-تۇكپىرىنەن جۇرگىزۋشىلەر جينالعان. كورەرمەن ءۇشىن مەيرامحانا جۇمىس ىستەپ تۇر جانە تەگىن ىستىق شاي، كوفە ۇيىمداستىرىلعان.

سىيلىق قورى جەكەلەي قاتىسۋشىلارعا 1000 اقش دوللارى مەن كوماندالىق ەسەپتە 2000 اقش دوللارىن قۇراپ وتىر. دريفت شوۋدان كەيىن AFTERPARTY وتەدى. ونىڭ حەدلاينەرى – نيگاتيۆ جانە V$XV PRiNCE.

سونداي-اق بۇگىن قونايەۆ قالاسىنىڭ اكىمدىگى ءبىلىم، سپورت جانە الەۋمەتتىك قورعاۋ باسقارمالارىمەن بىرلەسىپ، 500 بالاعا تەگىن كونكي تەبۋ دەمالىسىن ۇيىمداستىردى.

جالپى ASP arena - قونايەۆتا جۇزەگە اسىپ جاتقان ءىرى ينۆەستجوبانىڭ ءبىرى. ارەنا اۋماعىندا قوناق ءۇي كەشەنى، مەيرامحانا، كارتينگ، 3200 كورەرمەن سياتىن تريبۋنا سالىنعان. جالپى اۋماعى 63 گەكتاردى قۇرايدى. تارتىلاتىن ينۆەستيسيا كولەمى - 8،1 ملرد.تگ. اتالعان نىسان قالادا ءتۋريزمدى، اۆتوسپورتتى دامىتۋعا ەرەكشە مۇمكىندىك بەرەدى. ينۆەستورلاردىڭ سوزىنشە، ءبىر كۇندىك دەمالىسقا جاتىن ورىن، مۇز ايدىنىنا كىرۋ، مەيرامحانا، كارتينگ قوسقاندا 35000 تەڭگە جۇمسالادى. باعالار - قولجەتىمدى.

ەستەرىڭىزدە بولسا، مۇندا بىلتىر جازدا دريفت شوۋ جانە Rock festival وتكەن بولاتىن.