20 tamyzdan bastap Qonaev qalasynda avtobýstardaǵy jolaqy ózgermek. Endi qala ishinde bir ret jol júrý quny elektrondy bilet júiesi nemese mobildi qosymsha arqyly tóleý kezinde – 120 teńge, al qolma-qol tólegende 200 teńge bolady,- dep habarlaidy Dalanews.kz
Qonaev qalasy ákimdiginiń habarlaýynsha, tariftiń ósýi tasymaldaýshylar shyǵyndarynyń artýyna, avtobýs parkin jańartýdyń qajettiligine jáne qoǵamdyq kólik qyzmetiniń turaqty jumysyn qamtamasyz etýge bailanysty.
Janar-jaǵarmai baǵasynyń ósýi
Sońǵy úsh jylda benzin men dizel otyny shamamen 40%-ǵa qymbattady. 2023 jyly litri 200–230 teńge bolsa, 2024 jyly – 240–270 teńge, al 2025 jyly baǵa 290–310 teńgege deiin jetti.
Avtobýstardy kútip ustaý qunynyń ósýi
2023 jyldan beri qosalqy bólshekter, mailaý materialdary, súzgiler men jóndeý jumystary 30–40%-ǵa qymbattady. Sondai-aq shinanyń baǵasy da edáýir ósti: eger buryn bir dóńgelek 106–118 myń teńge tursa, biyl 136 myń teńgeden asyp otyr.
Biýdjetke túsetin júktemeni azaitý
Qazirgi tańda áleýmettik mańyzy bar baǵyttar respýblikalyq biýdjetten sýbsidiialanady. Jolaqynyń ósýi biýdjetke túsetin salmaqty azaityp, qoǵamdyq kóliktiń turaqty jumysyn qamtamasyz etýge múmkindik beredi.
Qala mańyna qatynaityn baǵyttardaǵy jańa tarifter:
•Qonaev – Zarechnyi, Qonaev – Arna: elektrondy júie arqyly – 150 teńge, qolma-qol – 300 teńge.
•Qonaev – Sheńgeldi, Qonaev – Qoskudyq: elektrondy júie arqyly – 200 teńge, qolma-qol – 400 teńge.
•Qonaev – Sarybulaq, Qonaev – Kerbulaq: elektrondy júie arqyly – 200 teńge, qolma-qol – 500 teńge.
