Qazaqstanda shiki munaidyń baǵasy tómendegenimen, janarmai men basqa da munai ónimderiniń quny óse tústi, dep habarlaidy dalanews.kz.
Ulttyq statistika biýrosynyń málimetinshe, mamyr aiynda bir tonna shiki munaidyń ortasha baǵasy 99,7 myń teńgeni quraǵan. Bul ótken jyldyń sáikes kezeńimen salystyrǵanda 2,2 paiyzǵa tómen. Munai baǵasynyń eń aiqyn arzandaýy Aqtóbe jáne Atyraý oblystarynda tirkelgen.
Alaida munai óńdeý zaýyttary óndiriletin janarmai baǵasyn kótergen. Bir tonna benzinniń quny bir jyl ishinde 15,6 paiyzǵa ósip, orta eseppen 197,3 myń teńgege jetken.
Jazǵy dizel otynynyń baǵasy da qymbattap, bir jylda 11,3 paiyzǵa artqan. Qazir onyń bir tonnasy orta eseppen 257,9 myń teńge turady.
Sonymen qatar basqa da munai ónimderiniń baǵasy ósken. Suiytylǵan gazdyń quny bir jylda 18 paiyzǵa qymbattasa, turmystyq pesh otynynyń baǵasy shamamen 15 paiyzǵa artqan.
Al jol qurylysyna paidalanylatyn bitým ǵana erekshelik kórsetken. Onyń baǵasy bir jyl ishinde, kerisinshe, 7,5 paiyzǵa tómendegen.
