Qazaqstannyń dástúrli sadaq atýdan ulttyq quramasy Túrkiiada ótken FETIH KUPASI halyqaralyq týrnirinde top jardy, dep habarlaidy dalanews.kz.
Bairaqty báseke Túrkiianyń Stambýl qalasynda ótti. Jarystyń ekinshi nysanasy – Túrik pýtasy, iaǵni 50 metr qashyqtyq boiynsha saiys aiaqtalyp, qazaqstandyq sportshylar júldeli oryndardan kórindi.
Erler arasynda Túrik pýtasy nysanasy boiynsha Jánibek Salamatuly altyn medal jeńip aldy. Al Marat Luqpanov qola júldeger atandy.
Áielder arasynda Sabira Jappar úzdik úshtikke enip, qola medal ielendi.
Aita keteiik, FETIH KUPASI týrnirine 40 elden 500-den astam sadaqshy qatysqan. Jalpy komandalyq esep qorytyndysy boiynsha Qazaqstan Respýblikasynyń dástúrli sadaq atýdan ulttyq quramasy jeńimpaz atandy.
Bul qýanyshty jańalyqty Májilis depýtaty, Respýblikalyq dástúrli sadaq atý federatsiiasynyń prezidenti Nartai Aralbaiuly áleýmettik jelidegi paraqshasynda bólisti.
"Qazaq eli, Respýblikalyq dástúrli sadaq atý federatsiiasynyń prezidenti retinde, dástúrli sadaq atýdyń jankúieri retinde barshańyzdy quttyqtaimyn! Sadaqshylarymyzǵa, jattyqtyrýshylarymyzǵa, bizdiń federatsiianyń bastamalaryn qoldaǵan QR Týrizm jáne sport ministrligine alǵys aitamyn. Surmergenderimizge jankúier bolyńyzdar!" – dep jazdy ol.
Osylaisha qazaqstandyq sportshylar halyqaralyq arenada ulttyq sporttyń mártebesin taǵy bir márte kóterdi.
