Túrkistan oblysynda jaýyn-shashyn kólemin jasandy túrde arttyrýǵa baǵyttalǵan pilottyq joba bastaldy. Joba Birikken Arab Ámirlikteriniń Ulttyq meteorologiia ortalyǵy mamandarymen birlesip júzege asyrylyp jatyr, dep habarlaidy dalanews.kz.
Bul jobaǵa Túrkistan oblysynyń ákimdigi, Qazgidromet jáne basqa da jaýapty mekemeler qatysyp jatyr. Óńirdi tańdaý aldynda mamandar 2020-2024 jyldar aralyǵyndaǵy 39 meteostantsiianyń derekterin zerttep, aimaqtyń jer bederi men atmosferalyq erekshelikterine taldaý júrgizgen.
Tehnologiia tek jańbyr ákeletin bulttar qalyptasqan jaǵdaida qoldanylady. Mamandardyń aitýynsha, onyń áseri klimatqa, aýa massalarynyń qozǵalysyna yqpal etpeidi.
Qazir "Qazgidromet" atmosferany táýlik boiy baqylap, spýtnik sýretteri men sinoptikalyq málimetterdi taldap jatyr. Sondai-aq, jaýǵan jaýyn-shashyn kólemi tirkeledi.
