20 تامىزدان باستاپ قونايەۆ قالاسىندا اۆتوبۋستارداعى جولاقى وزگەرمەك. ەندى قالا ىشىندە ءبىر رەت جول ءجۇرۋ قۇنى ەلەكتروندى بيلەت جۇيەسى نەمەسە ءموبيلدى قوسىمشا ارقىلى تولەۋ كەزىندە – 120 تەڭگە، ال قولما-قول تولەگەندە 200 تەڭگە بولادى،- دەپ حابارلايدى Dalanews.kz
قونايەۆ قالاسى اكىمدىگىنىڭ حابارلاۋىنشا، تءاريفتىڭ ءوسۋى تاسىمالداۋشىلار شىعىندارىنىڭ ارتۋىنا، اۆتوبۋس پاركىن جاڭارتۋدىڭ قاجەتتىلىگىنە جانە قوعامدىق كولىك قىزمەتىنىڭ تۇراقتى جۇمىسىن قامتاماسىز ەتۋگە بايلانىستى.
جانار-جاعارماي باعاسىنىڭ ءوسۋى
سوڭعى ءۇش جىلدا بەنزين مەن ديزەل وتىنى شامامەن 40%-عا قىمباتتادى. 2023 جىلى ءليترى 200–230 تەڭگە بولسا، 2024 جىلى – 240–270 تەڭگە، ال 2025 جىلى باعا 290–310 تەڭگەگە دەيىن جەتتى.
اۆتوبۋستاردى كۇتىپ ۇستاۋ قۇنىنىڭ ءوسۋى
2023 جىلدان بەرى قوسالقى بولشەكتەر، مايلاۋ ماتەريالدارى، سۇزگىلەر مەن جوندەۋ جۇمىستارى 30–40%-عا قىمباتتادى. سونداي-اق شينانىڭ باعاسى دا ەداۋىر ءوستى: ەگەر بۇرىن ءبىر دوڭگەلەك 106–118 مىڭ تەڭگە تۇرسا، بيىل 136 مىڭ تەڭگەدەن اسىپ وتىر.
بيۋدجەتكە تۇسەتىن جۇكتەمەنى ازايتۋ
قازىرگى تاڭدا الەۋمەتتىك ماڭىزى بار باعىتتار رەسپۋبليكالىق بيۋدجەتتەن سۋبسيديالانادى. جولاقىنىڭ ءوسۋى بيۋدجەتكە تۇسەتىن سالماقتى ازايتىپ، قوعامدىق كولىكتىڭ تۇراقتى جۇمىسىن قامتاماسىز ەتۋگە مۇمكىندىك بەرەدى.
قالا ماڭىنا قاتىنايتىن باعىتتارداعى جاڭا تاريفتەر:
•قونايەۆ – زارەچنىي، قونايەۆ – ارنا: ەلەكتروندى جۇيە ارقىلى – 150 تەڭگە، قولما-قول – 300 تەڭگە.
•قونايەۆ – شەڭگەلدى، قونايەۆ – قوسكۇدىق: ەلەكتروندى جۇيە ارقىلى – 200 تەڭگە، قولما-قول – 400 تەڭگە.
•قونايەۆ – سارىبۇلاق، قونايەۆ – كەربۇلاق: ەلەكتروندى جۇيە ارقىلى – 200 تەڭگە، قولما-قول – 500 تەڭگە.
