استانادا بالالاردىڭ تەرەزەدەن قۇلاۋ فاكتٸلەرٸنٸڭ كٶبەيۋٸنە بايلانىستى تٶتەنشە جاعدايلار دەپارتامەنتٸ كٶپبالالى وتباسىلاردىڭ پەتەرلەرٸنە ارنايى قاۋٸپسٸزدٸك قۇلىپتارىن ورناتۋ اكتسيياسىن ٶتكٸزدٸ, دەپ حابارلايدى dalanews.kz.
ٸس-شارا بارىسىندا قۇتقارۋشىلار مەن ەرٸكتٸلەر بٸرنەشە وتباسىنىڭ ٷيٸنە بارىپ, تەرەزەلەرگە ارنايى بلوكيراتورلار ورناتتى. بۇل قۇرىلعىلار بالالاردىڭ تەرەزەنٸ ٶز بەتٸنشە اشۋىنا جول بەرمەي, جازاتايىم وقيعالاردىڭ الدىن الۋعا مٷمكٸندٸك بەرەدٸ.
تجد مەلٸمەتٸنشە, جازعى دەمالىس باستالعالى بەرٸ ەلوردادا بالالاردىڭ تەرەزەدەن قۇلاۋىنا بايلانىستى 11 وقيعا تٸركەلگەن. ٶكٸنٸشكە قاراي, ونىڭ بٸرەۋٸ قايعىلى جاعدايمەن اياقتالعان. ال جىل باسىنان بەرٸ مۇنداي وقيعالاردىڭ سانى 21-گە جەتكەن, ال تٶرتەۋٸ قازا تاپتى.
اكتسييا اياسىندا جۋرناليستەر كٶپبالالى وتباسىلاردىڭ بٸرٸنٸڭ ٷيٸندە بولىپ, قاۋٸپسٸزدٸك قۇرىلعىلارىن ورناتۋ جۇمىسىنا كۋە بولدى.
پەتەر يەسٸ قۇتقارۋشىلارعا العىسىن بٸلدٸرٸپ, مۇنداي باستامانىڭ اتا-انالار ٷشٸن اسا ماڭىزدى ەكەنٸن ايتتى.
«بالالاردىڭ قاۋٸپسٸزدٸگٸ بەرٸنەن ماڭىزدى. وسىنداي قۇرىلعىلاردى تەگٸن ورناتىپ بەرگەن تٶتەنشە جاعدايلار دەپارتامەنتٸنٸڭ قىزمەتكەرلەرٸنە ٷلكەن راقمەت. ەندٸ بالالار ٷشٸن ەلدەقايدا الاڭسىز بولامىز», – دەدٸ تۇرعىن.
ماماندار اتا-انالاردى بالالاردى قاراۋسىز قالدىرماۋعا, تەرەزە ماڭىنا جيھاز قويماۋعا جەنە مٸندەتتٸ تٷردە قاۋٸپسٸزدٸك قۇرالدارىن پايدالانۋعا شاقىردى.
تٶتەنشە جاعدايلار دەپارتامەنتٸنٸڭ ٶكٸلدەرٸ مۇنداي پروفيلاكتيكالىق جۇمىستار الداعى ۋاقىتتا دا جالعاساتىنىن اتاپ ٶتتٸ.
