Astanada balalardyń terezeden qulaý faktileriniń kóbeiýine bailanysty Tótenshe jaǵdailar departamenti kópbalaly otbasylardyń páterlerine arnaiy qaýipsizdik qulyptaryn ornatý aktsiiasyn ótkizdi, dep habarlaidy dalanews.kz.
Is-shara barysynda qutqarýshylar men eriktiler birneshe otbasynyń úiine baryp, terezelerge arnaiy blokiratorlar ornatty. Bul qurylǵylar balalardyń terezeni óz betinshe ashýyna jol bermei, jazataiym oqiǵalardyń aldyn alýǵa múmkindik beredi.
TJD málimetinshe, jazǵy demalys bastalǵaly beri elordada balalardyń terezeden qulaýyna bailanysty 11 oqiǵa tirkelgen. Ókinishke qarai, onyń bireýi qaiǵyly jaǵdaimen aiaqtalǵan. Al jyl basynan beri mundai oqiǵalardyń sany 21-ge jetken, al tórteýi qaza tapty.
Aktsiia aiasynda jýrnalister kópbalaly otbasylardyń biriniń úiinde bolyp, qaýipsizdik qurylǵylaryn ornatý jumysyna kýá boldy.
Páter iesi qutqarýshylarǵa alǵysyn bildirip, mundai bastamanyń ata-analar úshin asa mańyzdy ekenin aitty.
«Balalardyń qaýipsizdigi bárinen mańyzdy. Osyndai qurylǵylardy tegin ornatyp bergen Tótenshe jaǵdailar departamentiniń qyzmetkerlerine úlken raqmet. Endi balalar úshin áldeqaida alańsyz bolamyz», – dedi turǵyn.
Mamandar ata-analardy balalardy qaraýsyz qaldyrmaýǵa, tereze mańyna jihaz qoimaýǵa jáne mindetti túrde qaýipsizdik quraldaryn paidalanýǵa shaqyrdy.
Tótenshe jaǵdailar departamentiniń ókilderi mundai profilaktikalyq jumystar aldaǵy ýaqytta da jalǵasatynyn atap ótti.
