ايماق باسشىسى ناريمان تٶرەعاليەۆ جەتەكشٸلٸك ەتكەن باتىسقازاقستاندىق رەسمي جەنە ٸسكەرلٸك دەلەگاتسييا قىتايعا جۇمىس ساپارىمەن باردى. ونىڭ اياسىندا وبلىس ەكٸمٸ لياونين پروۆينتسيياسىنىڭ گۋبەرناتورى ۆان سينۆەيمەن كەزدەستٸ. ٸس-شارانىڭ ٶتۋٸنە قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشٸلٸگٸ قولداۋ كٶرسەتتٸ, دەپ حابارلايدى dalanews.kz.
حالىق سانى 40 ميلليوننان اساتىن لياونين پروۆينتسيياسى – مۇناي-گاز سالاسىندا تەجٸريبەسٸ مول, ٶنەركەسٸپتٸك ەلەۋەتٸ جوعارى ٶڭٸر. بۇل سالالار باتىس قازاقستان وبلىسى ٷشٸن دە ەرەكشە ماڭىزعا يە. اگرارلىق سەكتوردى دامىتۋداعى قولايلى مٷمكٸندٸكتەر جاعىنان دا قوس ٶلكەنٸڭ ۇقساستىعى كٶپ.
ايماق باسشىسى ناريمان تٶرەعاليەۆ قازاقستان-قىتاي قارىم-قاتىناستارىنىڭ «التىن 30 جىلدىعى» اياسىندا ٶڭٸرارالىق ىنتىماقتاستىق جاڭا دەڭگەيگە كٶتەرٸلەتٸنٸنە سەنٸم بٸلدٸردٸ. وبلىس ەكٸمٸ ەكٸ ەل كٶشباسشىلارىنىڭ باسشىلىعىمەن قىتاي مەن قازاقستان اراسىنداعى ستراتەگييالىق ەرٸپتەستٸك ساپالىق تۇرعىدان نىعايىپ كەلە جاتقانىن اتاپ ٶتتٸ.
- پرەزيدەنت قاسىم-جومارت كەمەلۇلى توقاەۆتىڭ تاپسىرماسىمەن بٸز ٶڭٸردەگٸ ينۆەستيتسييالىق احۋالدى ودان ەرٸ جاقسارتىپ, قىزىعۋشىلىق تانىتقان كومپانييالارعا جاڭا مٷمكٸندٸكتەر ۇسىنىپ وتىرمىز. قىتايلىق ينۆەستورلارمەن بٸرلەسٸپ, سۇيىق مەتانول, تسەمەنت زاۋىتتارى, گاز تۋربينالى جەنە جەل ەلەكتر ستانسالارىن سالۋ جەنە ٶزگە دە ماڭىزدى جوبالاردى ٸسكە اسىرىپ جاتىرمىز. جۇمىس ورىندارىن اشام, ٶندٸرٸستٸ دامىتام دەگەن ينۆەستورلار ٷشٸن ارنايى ەكونوميكالىق ايماق بار, - دەدٸ ناريمان تٶرەعاليەۆ.
لياونين پروۆينتسيياسىنىڭ گۋبەرناتورى ۆان سينۆەي دە ٶڭٸرارالىق ىنتىماقتاستىقتى دامىتۋعا نيەتتٸ ەكەنٸن جەتكٸزدٸ.
- قحر تٶراعاسى سي تسزينپين ەكٸ ەل بٸر-بٸرٸنە سەنٸم ارتاتىن ستراتەگييالىق سەرٸكتەستەر ەكەنٸن ٷنەمٸ اتاپ ٶتەدٸ. كەيٸنگٸ جىلدارى لياونين ٶلكەسٸ مەن قازاقستان اراسىنداعى بايلانىس بەكي تٷستٸ. بىلتىر ەكٸجاقتى ساۋدا اينالىمى 2,7 ميلليارد يۋانعا جەتتٸ. سٸزدەردٸڭ حالىقارالىق باۋىرلاس قالالار فورۋمىنا كەلۋلەرٸڭٸز ورتاق ماقسات جولىنداعى شىنايى ىقىلاستى بٸلدٸرەدٸ, - دەدٸ ۆان سينۆەي.
قىتايلىق تاراپ دوستىق بايلانىس, ٶندٸرٸستٸك ىنتىماقتاستىقتى تەرەڭدەتۋدەن بٶلەك, قىتاي مەن قازاقستان مەدەنيەتٸنٸڭ جىلى اياسىندا مەدەني-گۋمانيتارلىق بايلانىستاردى كەڭەيتۋگە دە مٷددەلٸلٸك تانىتتى.
