Jetisý oblysynda biylǵy jazǵy maýsymda oblysqa boljammen 2 millionnan astam týrist keledi. Osy jyly salada 7 myń adam jumyspen qamtylady, onyń 1 200-i turaqty jumysqa ornalastyrylady. Jalpy, Jetisý oblysynyń týristik damýy 5 basym baǵyttaǵy destinatsiialarǵa negizdelgen. Olar – Alakól men Balqash kólderi, «Altynemel» men «Jońǵar Alataýy» ulttyq parkteri, sondai-aq Jońǵar Alataýynyń taý jotasy, dep habarlaidy dalanews.kz.
Oblys ákiminiń birinshi orynbasary Álibek Jaqanbaevtyń aitýynsha, Memleket basshysynyń tapsyrmasyna sáikes óńirde derbes Týrizm basqarmasy quryldy. «Alakól Tazalyq» jáne «Balqash Tazalyq» kommýnaldyq kásiporyndary qurylyp, 43 birlik tehnikamen, 87 shtat birligimen qamtyldy. Jalpy sý paidalanýdyń qaǵidalary bekitildi.
Bul rette Alakól jáne Balqash kólderi jaǵalaýynda infraqurylym damytylýda:
- Beskól jáne Aqshi aýyldary aralyǵynda 57 km elektr jelisi men 2 qosalqy stantsiianyń qurylysy aiaqtalyp, elektrmen jabdyqtaý máselesi tolyǵymen sheshildi. Aqshi aýylynda 69,7 km káriz jelileri salyndy, tazartý qondyrǵylarynyń qurylysy júrgizilýde, aiaqtalý merzimi – osy jyldyń qarasha aiy. Ótken jyldan beri jaǵalaýdy bekitý bógetin salý jumystary júrip jatyr, búginge 2,2 km salyndy, jumystar jalǵasýda. Kól jaǵalaýyndaǵy qoqys shyǵarý máselesin sheshý úshin 10 gektar jerge turmystyq qatty- qaldyqtar poligonynyń jobalaý-smetalyq qujattamasy ázirlendi, - dedi Á. Jaqanbaev.
Balqash jaǵalaýyn damytý maqsatynda kólge aparatyn 137 shaqyrym jol qaita jańǵyrtylyp, paidalanýǵa berildi. Lepsi aýylynan kól jaǵalaýyna deiin elektr jáne sý jelileri tartyldy. Qazirgi ýaqytta kól jaǵalaýyndaǵy injenerlik - kommýnikatsiialyq jelilerdiń qurylysy aiaqtalý satysynda. Sol siiaqty jaǵalaýda 3 kommýnaldyq jaǵajai salynady, onyń 2-ýi biyl aiaqtalady. Sondai-aq, Lepsi stantsiiasynda jańa temirjol vokzaly tamyz aiynda qoldanysqa beriledi.
Jalpy, Alakól, Balqash jaǵalaýlarynda tiisti talaptarǵa sáikes qoqys konteinerleri, kiim aýystyratyn oryndar, biodárethanalar, qutqarý munaralary, býi jelileri jáne pirs ornatyldy.
Ekologiialyq týrizm jaiyna toqtalsaq, «Altynemel» ulttyq parkinde jeke investitsiialar esebinen, al Topolevka aýylynda jergilikti biýdjet esebinen vizit-ortalyqtar ashyldy. Jasylkól kóline aparatyn joldyń qurylysy osy jyly aiaqtalady. Burqanbulaq sarqyramasyna aparatyn 31 km avtomobil joly qaita jańartylýda.
Atap ótsek, oblys aýmaǵynda jalpy syiymdylyǵy 22 myń tósek-oryn bolatyn 393 ornalastyrý orny jumys isteidi. Kórsetiletin týristik qyzmetterdiń kólemi 9 mlrd.teńgeden asady. Sondai-aq, jeke investitsiialar esebinen 21 demalys orny salynýda.
Jalpy, oblysta týrizmdi damytý jáne týristerge jaǵdai jasaý jumystary oblys ákiminiń turaqty baqylaýynda.
