Qyzylorda qalasynda WornerBros qarjy piramidasynyń qurylymdyq bólimshesin basqarǵan adamǵa sot úkimi shyqty, dep habarlaidy dalanews.kz.
Tergep-tekserýdi QMA Qyzylorda oblysy boiynsha departamenti júrgizdi. Uiymdastyrýshy azamattardy WornerBros platformasy arqyly qysqa beinerolikter men filmderdi kórgeni úshin tabys tabýǵa bolady degen jeleýmen qarjy piramidasyna tartqan. Qatysýshylarǵa referal silteme arqyly tirkelip, quny 10 myń teńgeden 11 mln teńgege deiingi VIP paketterdiń birin satyp alý usynylǵan. Bul rette kúnine 735 myń teńgege deiin tabys túsetini ýáde etilgen.
Árbir jańa qatysýshy úshin bonýs tólenip otyrǵan, bul azamattardy júiege turaqty túrde tartýǵa yntalandyrǵan. Shemany nasihattaý úshin WhatsApp toptary, áleýmettik jelilerdegi jarnamalar jáne úgit-nasihat paidalanylǵan.
Tergeý barysynda salymshylardyń qarajatyn jinaqtaý jáne aýdarý úshin qoldanylǵan kriptoámiiandar anyqtaldy. Sot sanktsiiasymen 3 mln USDT kólemindegi kriptoaktivke tyiym salyndy. Sot aiyptalýshyny kináli dep tanyp, 5 jylǵa bas bostandyǵynan aiyrý jazasyn taǵaiyndady. Sondai-aq, 24 jábirlenýshiniń azamattyq talap-aryzy qanaǵattandyryldy.
Úkim zańdy kúshine endi.
