Qonaev qalasynyń soty «Almaty-Óskemen» tas jolynda jol qozǵalysy erejelerin óreskel buzǵan kortej júrgizýshileri boiynsha sheshim shyǵardy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Esterińizge sala keteiik, áleýmettik jelilerdi monitoring júrgizý barysynda politseiler kortejdiń birneshe kóligi basqa qatysýshylarynyń jolyn jaýyp, kedergi keltirip, júrgizýshilerdiń narazylyǵyn týdyrǵan beinejazba anyqtaldy. Keiinirek belgili bolǵandai, kortej Qonaev qalasynyń perzethanasynan Arna aýylyna jol tartqan.
– Qatysýshylardyń biri bes táýlik, qalǵan úsheýi – bir táýlik ákimshilik qamaýǵa alyndy. Tórteýi de bir jylǵa júrgizýshi kýáliginen aiyryldy. Taǵy eki qatysýshyǵa aiyppul salyndy, – dep habarlady politsiia ókilderi.
Óńir politsiiasy júrgizýshilerdi jol erejelerin saqtaýǵa shaqyrady jáne joldarda qaýip tóndiretin kez-kelgen árekettiń qatań jazalanyp, quqyq buzýshylarǵa mindetti túrde tiisti shara qoldanylatynyn eske salady.
