قونايەۆ قالاسىنىڭ سوتى «الماتى-وسكەمەن» تاس جولىندا جول قوزعالىسى ەرەجەلەرىن ورەسكەل بۇزعان كورتەج جۇرگىزۋشىلەرى بويىنشا شەشىم شىعاردى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
ەستەرىڭىزگە سالا كەتەيىك، الەۋمەتتىك جەلىلەردى مونيتورينگ جۇرگىزۋ بارىسىندا پوليسەيلەر كورتەجدىڭ بىرنەشە كولىگى باسقا قاتىسۋشىلارىنىڭ جولىن جاۋىپ، كەدەرگى كەلتىرىپ، جۇرگىزۋشىلەردىڭ نارازىلىعىن تۋدىرعان بەينەجازبا انىقتالدى. كەيىنىرەك بەلگىلى بولعانداي، كورتەج قونايەۆ قالاسىنىڭ پەرزەتحاناسىنان ارنا اۋىلىنا جول تارتقان.
– قاتىسۋشىلاردىڭ ءبىرى بەس تاۋلىك، قالعان ۇشەۋى – ءبىر تاۋلىك اكىمشىلىك قاماۋعا الىندى. تورتەۋى دە ءبىر جىلعا جۇرگىزۋشى كۋالىگىنەن ايىرىلدى. تاعى ەكى قاتىسۋشىعا ايىپپۇل سالىندى، – دەپ حابارلادى پوليسيا وكىلدەرى.
ءوڭىر پوليسياسى جۇرگىزۋشىلەردى جول ەرەجەلەرىن ساقتاۋعا شاقىرادى جانە جولداردا ءقاۋىپ توندىرەتىن كەز-كەلگەن ارەكەتتىڭ قاتاڭ جازالانىپ، قۇقىق بۇزۋشىلارعا مىندەتتى تۇردە ءتيىستى شارا قولدانىلاتىنىن ەسكە سالادى.
