“Meniń atym Qoja” filmindegi basty keiipker – Qojany oinaǵan Nurlan Segizbaev aýyr dertpen kúresip jatyr. Bul týraly jýrnalist Janar Kanafina málimdedi, dep habarlaidy Dalanews.kz.
“Akterge sozylmaly obstrýktivti ókpe aýrýynyń (HOBL) 4-shi dárejesi diagnozy qoiylǵan. Dárigerler onyń 6 ai ǵana ýaqyty qaldy dep otyr.
Qazir 75 jastaǵy Nurlan Sanjarulyna shuǵyl túrde qarjylai qoldaý qajet. Ol buryn jýrnalistika fakýltetinde ustazdyq etken. Alaida densaýlyǵyna bailanysty jumys isteýge múmkindigi joq. Tynys alý qurylǵysyn kúnine 14 saǵat boiy paidalanýǵa májbúr”, — dep jazdy ol.
Soǵan qaramastan, Nurlan aǵa ómirge degen qulshynysyn joǵaltpaǵan. Jýrnalist Janar Kanafinanyń aitýynsha, ol jýyrda suhbat berip, kompozitor Nurǵisa Tilendiev týraly júrekjardy estelikterimen bólisken.
“Eski gvardiia eshqashan uiatqa qaldyrmaidy”, — dep jazdy Janar Kanafina.
