“مەنٸڭ اتىم قوجا” فيلمٸندەگٸ باستى كەيٸپكەر – قوجانى ويناعان نۇرلان سەگٸزباەۆ اۋىر دەرتپەن كٷرەسٸپ جاتىر. بۇل تۋرالى جۋرناليست جانار كانافينا مەلٸمدەدٸ, دەپ حابارلايدى Dalanews.kz.
“اكتەرگە سوزىلمالى وبسترۋكتيۆتٸ ٶكپە اۋرۋىنىڭ (حوبل) 4-شٸ دەرەجەسٸ دياگنوزى قويىلعان. دەرٸگەرلەر ونىڭ 6 اي عانا ۋاقىتى قالدى دەپ وتىر.
قازٸر 75 جاستاعى نۇرلان سانجارۇلىنا شۇعىل تٷردە قارجىلاي قولداۋ قاجەت. ول بۇرىن جۋرناليستيكا فاكۋلتەتٸندە ۇستازدىق ەتكەن. الايدا دەنساۋلىعىنا بايلانىستى جۇمىس ٸستەۋگە مٷمكٸندٸگٸ جوق. تىنىس الۋ قۇرىلعىسىن كٷنٸنە 14 ساعات بويى پايدالانۋعا مەجبٷر”, — دەپ جازدى ول.
سوعان قاراماستان, نۇرلان اعا ٶمٸرگە دەگەن قۇلشىنىسىن جوعالتپاعان. جۋرناليست جانار كانافينانىڭ ايتۋىنشا, ول جۋىردا سۇحبات بەرٸپ, كومپوزيتور نۇرعيسا تٸلەنديەۆ تۋرالى جٷرەكجاردى ەستەلٸكتەرٸمەن بٶلٸسكەن.
“ەسكٸ گۆاردييا ەشقاشان ۇياتقا قالدىرمايدى”, — دەپ جازدى جانار كانافينا.
