Áliia Sadyrbaeva depýtat Vladimir Bojkony «halyqqa til tigizdi» dep esepteidi. Qazaqstan Parlament Májilisi Tóraǵasynyń orynbasary Vladimir Bojko 2019 jyly 3 qyrkúiekte Qazaqstan halyqtary Assambleiasynyń otyrysynan keiin tilshilerge bergen suhbatynda «Úsh jyldyń ishinde áleýmettik kómek 17 ese ósken. Osydan-aq túsinýge bolady. Bul úshin memleketke tizerlep, alǵys aitý kerek» degen bolatyn. Aita ketý kerek, Májilis tóraǵasy orynbasarynyń bul pikiri áleýmettik jelide kóp talqylanyp, jurt oǵan narazy pikir bildirgen edi.
Áliia Sadyrbaeva depýtattyń halyqqa qaratyp bulaisha pikir aitýy orynsyz ekenin aitýda. Búginde Esil aýdanynyń 2 soty Áliia Sadyrbaevanyń aryzyn QR Bas prokýratýrasyna jibergen.
Sot «Sadyrbaeva Áliia Bolatbekqyzynyń QR Parlament májilisi tóraǵasynyń orynbasary V.Bojkony QK 131 - b, 2 - b, sai qylmystyq quqyq buzýshylyǵy úshin qylmystyq jaýapkershilikke tartý týraly jeke aryzyn tergeýdegi kisi boiynsha Qazaqstan respýblikasynyń Bas prokýratýrasyna jiberiledi» degen qaýly shyǵarǵan.
Qaraǵandylyq belsendi Áliia Sadyrbaeva Vladimir Bojko bul qylyǵy úshin Qazaqstan halqynan keshirim suraýy tiis, ári qyzmetinen ketýi kerek dep esepteidi.
Arailym ERKEBAEVA
