ءاليا سادىربايەۆا دەپۋتات ۆلاديمير بوجكونى «حالىققا ءتىل تيگىزدى» دەپ ەسەپتەيدى. قازاقستان پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو 2019 جىلى 3 قىركۇيەكتە قازاقستان حالىقتارى اسسامبلەياسىنىڭ وتىرىسىنان كەيىن تىلشىلەرگە بەرگەن سۇحباتىندا «ءۇش جىلدىڭ ىشىندە الەۋمەتتىك كومەك 17 ەسە وسكەن. وسىدان-اق تۇسىنۋگە بولادى. بۇل ءۇشىن مەملەكەتكە تىزەرلەپ، العىس ايتۋ كەرەك» دەگەن بولاتىن. ايتا كەتۋ كەرەك، ءماجىلىس ءتوراعاسى ورىنباسارىنىڭ بۇل پىكىرى الەۋمەتتىك جەلىدە كوپ تالقىلانىپ، جۇرت وعان نارازى پىكىر بىلدىرگەن ەدى.
ءاليا سادىربايەۆا دەپۋتاتتىڭ حالىققا قاراتىپ بۇلايشا پىكىر ايتۋى ورىنسىز ەكەنىن ايتۋدا. بۇگىندە ەسىل اۋدانىنىڭ 2 سوتى ءاليا سادىربايەۆانىڭ ارىزىن ق ر باس پروكۋراتۋراسىنا جىبەرگەن.
سوت «سادىربايەۆا ءاليا بولاتبەك قىزىنىڭ ق ر پارلامەنت ءماجىلىسى ءتوراعاسىنىڭ ورىنباسارى ۆ.بوجكونى قك 131 - ب، 2 - ب، ساي قىلمىستىق قۇقىق بۇزۋشىلىعى ءۇشىن قىلمىستىق جاۋاپكەرشىلىككە تارتۋ تۋرالى جەكە ارىزىن تەرگەۋدەگى كىسى بويىنشا قازاقستان رەسپۋبليكاسىنىڭ باس پروكۋراتۋراسىنا جىبەرىلەدى» دەگەن قاۋلى شىعارعان.
قاراعاندىلىق بەلسەندى ءاليا سادىربايەۆا ۆلاديمير بوجكو بۇل قىلىعى ءۇشىن قازاقستان حالقىنان كەشىرىم سۇراۋى ءتيىس، ءارى قىزمەتىنەن كەتۋى كەرەك دەپ ەسەپتەيدى.
ارايلىم ەركەبايەۆا
