Belgili estrada ánshisi Ushqyn Jamalbek otbasyn qurǵandaǵy alǵashqy úsh jyly qiyndyqqa toly bolǵanyn aitty, dep habarlaidy Dalanews.kz.
"Qyzyqty weekend" baǵdarlamasyna suhbat bergen óner iesi shańyraǵyn saqtaýdaǵy er adamnyń róli erekshe ekenin jetkizdi.
Qazaqta "Saliqaly kelin ákel" degen sóz bar ǵoi. Sonda kelindi biz ózimiz úshin alamyz ba? Álde úiimiz úshin alamyz ba? Otbasymyzǵa qalai qaraýymyz kerek? Bala ne úshin týady? "Adam bolǵasyn otbasy bolady, bala týady" degen túsinik qana bar. Baýyrlaryma "Birinshi orynda - otbasyń" dep aitamyn. Jan jaryńmen ortaq taqyryp, úilesim taba bilý kerek. "Qyz kezinde bári jaqsy. Jaman qatyn qaidan shyqty?" deidi halqymyz. Kóbine er adam búldiredi eken bárin. Men otbasynyń rahatyn endi sezinip kele jatyrmyn, - deidi ánshi.
Ol qyzyn óz qolymen shomyldyratynyn jasyrmady. Tipti, shashyn da ózi órip beredi eken.
Buryn "Er adam qyzyn shomyldyrady" degen sózdi estisem, qashatynmyn. Men odan tómendep ketken joqpyn. Kerisinshe, óstim. Balalarymdy da ózim kiindirip, tósegimdi ózim jinaimyn. Balalardy tisin jýyndyryp, tómenge alyp túsemin. Anasyna "Tańǵy asyńdy daiyndai ber" deimin. Men qalai bilim aldym, ózimdi damyttym, solai bári jaqsy boldy, - dedi Ushqyn Jamalbek.
