بەلگٸلٸ ەسترادا ەنشٸسٸ ۇشقىن جامالبەك وتباسىن قۇرعانداعى العاشقى ٷش جىلى قيىندىققا تولى بولعانىن ايتتى, دەپ حابارلايدى Dalanews.kz.
"قىزىقتى weekend" باعدارلاماسىنا سۇحبات بەرگەن ٶنەر يەسٸ شاڭىراعىن ساقتاۋداعى ەر ادامنىڭ رٶلٸ ەرەكشە ەكەنٸن جەتكٸزدٸ.
قازاقتا "ساليقالى كەلٸن ەكەل" دەگەن سٶز بار عوي. سوندا كەلٸندٸ بٸز ٶزٸمٸز ٷشٸن الامىز با? ەلدە ٷيٸمٸز ٷشٸن الامىز با? وتباسىمىزعا قالاي قاراۋىمىز كەرەك? بالا نە ٷشٸن تۋادى? "ادام بولعاسىن وتباسى بولادى, بالا تۋادى" دەگەن تٷسٸنٸك قانا بار. باۋىرلارىما "بٸرٸنشٸ ورىندا - وتباسىڭ" دەپ ايتامىن. جان جارىڭمەن ورتاق تاقىرىپ, ٷيلەسٸم تابا بٸلۋ كەرەك. "قىز كەزٸندە بەرٸ جاقسى. جامان قاتىن قايدان شىقتى?" دەيدٸ حالقىمىز. كٶبٸنە ەر ادام بٷلدٸرەدٸ ەكەن بەرٸن. مەن وتباسىنىڭ راحاتىن ەندٸ سەزٸنٸپ كەلە جاتىرمىن, - دەيدٸ ەنشٸ.
ول قىزىن ٶز قولىمەن شومىلدىراتىنىن جاسىرمادى. تٸپتٸ, شاشىن دا ٶزٸ ٶرٸپ بەرەدٸ ەكەن.
بۇرىن "ەر ادام قىزىن شومىلدىرادى" دەگەن سٶزدٸ ەستٸسەم, قاشاتىنمىن. مەن ودان تٶمەندەپ كەتكەن جوقپىن. كەرٸسٸنشە, ٶستٸم. بالالارىمدى دا ٶزٸم كيٸندٸرٸپ, تٶسەگٸمدٸ ٶزٸم جينايمىن. بالالاردى تٸسٸن جۋىندىرىپ, تٶمەنگە الىپ تٷسەمٸن. اناسىنا "تاڭعى اسىڭدى دايىنداي بەر" دەيمٸن. مەن قالاي بٸلٸم الدىم, ٶزٸمدٸ دامىتتىم, سولاي بەرٸ جاقسى بولدى, - دەدٸ ۇشقىن جامالبەك.
