Qyzylorda qalasynda «Syr juldyzdary» balalar men jasóspirimderge arnalǵan shyǵarmashylyq- innovatsiialyq akademiiasynyń ashylý rásimi ótti, dep habarlaidy Dalanews.kz
Saltanatty sharaǵa QR Oqý-aǵartý ministri Ǵani Beisembaev, Parlament Májilisiniń depýtattary Murat Ábenov, Murat Ergeshbaev, Marhabat Jaiymbetov jáne ziialy qaýym ókilderi, el aǵalary arnaiy qatysty. Aimaq basshysy Nurlybek Mashbekuly jurtshylyqty jańa nysannyń ashylýymen quttyqtap, bilim salasynda atqarylǵan jumystarǵa toqtaldy.
«Prezidentimiz Qasym-Jomart Kemeluly «Sapaly bilim – jetistikke jetýdiń joly ári ekonomikany damytýdyń basty quraly. Jeti túrli ilim biletin urpaq tárbieleý – búgingi kúnniń negizgi mindeti» - degen bolatyn. Elimizdiń bolashaǵy - jastarymyzǵa sapaly bilim, sanaly tárbie berýde júieli jumys atqarylýda.
Aimaǵymyzda sońǵy úsh jylda bilim berý salasyna bólingen qarjy kólemi 304 mlrd. 600 mln. teńge bolyp, 32 paiyzǵa artty. Bul - jalpy oblys biýdjetiniń 43 paiyzy. Bizdiń eń birinshi mindetimiz - balalardyń bilim alýyna qolaily jaǵdai jasap, jaily orta qalyptastyrý. 2023 jyly Qyzylorda qalasyndaǵy 4 mektepke 1 850 oryndyq qosymsha qurylys salý esebinen úsh aýysymdyq oqý máselesi túbegeili sheshimin tapty.
Jańa nysandardyń ashylýy – bul jái ǵana ǵimarattardyń salynýy emes, jańa dáýirde básekege qabiletti ulandarymyzǵa jańa múmkindikter syilaý. Egemen elimizdi órkendetýdegi, óskeleń urpaqty tárbieleýdegi óreli bastamalarymyz tabysty bolsyn! El irgesi biik, Táýelsizdigimiz tuǵyrly bolǵai!», - dedi Nurlybek Mashbekuly.
Rásimde QR Oqý-aǵartý ministri Ǵani Bektaiuly, Parlament Májilisiniń depýtaty Murat Abdýlamituly quttyqtaý sóz sóiledi. Ǵimaratty salǵan «BI Global» JShS qurylysshylary oblys ákiminiń Alǵys hatymen marapattaldy.
Shyǵarmashylyq-innovatsiialyq akademiia bir mezette 500 oqýshy, táýligine 3 myń oqýshyǵa deiin qabyldaidy.Munda bassein, toptyq jattyǵý bólmesi, kórkem gimnastika jáne fitnes zaly ornalasqan. Sondai-aq ústel oiyndaryna arnalǵan kabinet, jekpe-jek, ústel tennisi zaldary bar. Barlyq zalda uldar men qyzdarǵa arnalǵan jeke-jeke kiim aýystyrý bólmeleri qarastyrylǵan. Kórkemdik-estetikalyq baǵytta keskindeme, sýret salý, rezin art bólmesi, balalar shyǵarmashylyǵy sheberhanasy, sándik-qoldanbaly óner, FabLab, dybys jazý stýdiiasy, robototehnika jáne jasandy intellekt, biotehnologiia, 3D modeldeý, KIP jáne avtomattandyrý, kibersport jáne matematika kabinetteri jumys isteidi.
Aita ketý kerek, ótken jyly óńirde bilim berý infraqurylymyn damytýda 13 ǵimarat paidalanýǵa berildi. «Jaily mektep» ulttyq jobasy aiasynda 10 mekteptiń qurylysy josparlanyp, búginde 3 myń oryndyq 6 mektep ashyldy. Qalǵan 4-eýi jyl sońyna deiin paidalanýǵa beriledi. Sonymen qatar, fizika-matematika mektep-internaty jáne «Saýts Oil» kompaniiasynyń demeýshiligimen mýzykalyq kolledjdiń jańa ǵimaraty salynýda. Sońǵy úsh jylda 3 oqýshylar saraiy men 2 óner mektebi iske qosyldy. Búginde Shieli aýdanynda 200 oryndyq oqýshylar saraiy men 50 oryndyq óner mektebiniń qurylysy júrgizilýde.
