قىزىلوردا قالاسىندا «سىر جۇلدىزدارى» بالالار مەن جاسٶسپٸرٸمدەرگە ارنالعان شىعارماشىلىق- يننوۆاتسييالىق اكادەميياسىنىڭ اشىلۋ رەسٸمٸ ٶتتٸ, دەپ حابارلايدى Dalanews.kz
سالتاناتتى شاراعا قر وقۋ-اعارتۋ مينيسترٸ عاني بەيسەمباەۆ, پارلامەنت مەجٸلٸسٸنٸڭ دەپۋتاتتارى مۇرات ەبەنوۆ, مۇرات ەرگەشباەۆ, مارحابات جايىمبەتوۆ جەنە زييالى قاۋىم ٶكٸلدەرٸ, ەل اعالارى ارنايى قاتىستى. ايماق باسشىسى نۇرلىبەك ماشبەكۇلى جۇرتشىلىقتى جاڭا نىساننىڭ اشىلۋىمەن قۇتتىقتاپ, بٸلٸم سالاسىندا اتقارىلعان جۇمىستارعا توقتالدى.
«پرەزيدەنتٸمٸز قاسىم-جومارت كەمەلۇلى «ساپالى بٸلٸم – جەتٸستٸككە جەتۋدٸڭ جولى ەرٸ ەكونوميكانى دامىتۋدىڭ باستى قۇرالى. جەتٸ تٷرلٸ ٸلٸم بٸلەتٸن ۇرپاق تەربيەلەۋ – بٷگٸنگٸ كٷننٸڭ نەگٸزگٸ مٸندەتٸ» - دەگەن بولاتىن. ەلٸمٸزدٸڭ بولاشاعى - جاستارىمىزعا ساپالى بٸلٸم, سانالى تەربيە بەرۋدە جٷيەلٸ جۇمىس اتقارىلۋدا.
ايماعىمىزدا سوڭعى ٷش جىلدا بٸلٸم بەرۋ سالاسىنا بٶلٸنگەن قارجى كٶلەمٸ 304 ملرد. 600 ملن. تەڭگە بولىپ, 32 پايىزعا ارتتى. بۇل - جالپى وبلىس بيۋدجەتٸنٸڭ 43 پايىزى. بٸزدٸڭ ەڭ بٸرٸنشٸ مٸندەتٸمٸز - بالالاردىڭ بٸلٸم الۋىنا قولايلى جاعداي جاساپ, جايلى ورتا قالىپتاستىرۋ. 2023 جىلى قىزىلوردا قالاسىنداعى 4 مەكتەپكە 1 850 ورىندىق قوسىمشا قۇرىلىس سالۋ ەسەبٸنەن ٷش اۋىسىمدىق وقۋ مەسەلەسٸ تٷبەگەيلٸ شەشٸمٸن تاپتى.
جاڭا نىسانداردىڭ اشىلۋى – بۇل جەي عانا عيماراتتاردىڭ سالىنۋى ەمەس, جاڭا دەۋٸردە بەسەكەگە قابٸلەتتٸ ۇلاندارىمىزعا جاڭا مٷمكٸندٸكتەر سىيلاۋ. ەگەمەن ەلٸمٸزدٸ ٶركەندەتۋدەگٸ, ٶسكەلەڭ ۇرپاقتى تەربيەلەۋدەگٸ ٶرەلٸ باستامالارىمىز تابىستى بولسىن! ەل ٸرگەسٸ بيٸك, تەۋەلسٸزدٸگٸمٸز تۇعىرلى بولعاي!», - دەدٸ نۇرلىبەك ماشبەكۇلى.
رەسٸمدە قر وقۋ-اعارتۋ مينيسترٸ عاني بەكتايۇلى, پارلامەنت مەجٸلٸسٸنٸڭ دەپۋتاتى مۇرات ابدۋلاميتۇلى قۇتتىقتاۋ سٶز سٶيلەدٸ. عيماراتتى سالعان «BI Global» جشس قۇرىلىسشىلارى وبلىس ەكٸمٸنٸڭ العىس حاتىمەن ماراپاتتالدى.
شىعارماشىلىق-يننوۆاتسييالىق اكادەمييا بٸر مەزەتتە 500 وقۋشى, تەۋلٸگٸنە 3 مىڭ وقۋشىعا دەيٸن قابىلدايدى.مۇندا باسسەين, توپتىق جاتتىعۋ بٶلمەسٸ, كٶركەم گيمناستيكا جەنە فيتنەس زالى ورنالاسقان. سونداي-اق ٷستەل ويىندارىنا ارنالعان كابينەت, جەكپە-جەك, ٷستەل تەننيسٸ زالدارى بار. بارلىق زالدا ۇلدار مەن قىزدارعا ارنالعان جەكە-جەكە كيٸم اۋىستىرۋ بٶلمەلەرٸ قاراستىرىلعان. كٶركەمدٸك-ەستەتيكالىق باعىتتا كەسكٸندەمە, سۋرەت سالۋ, رەزين ارت بٶلمەسٸ, بالالار شىعارماشىلىعى شەبەرحاناسى, سەندٸك-قولدانبالى ٶنەر, FabLab, دىبىس جازۋ ستۋديياسى, روبوتوتەحنيكا جەنە جاساندى ينتەللەكت, بيوتەحنولوگييا, 3D مودەلدەۋ, كيپ جەنە اۆتوماتتاندىرۋ, كيبەرسپورت جەنە ماتەماتيكا كابينەتتەرٸ جۇمىس ٸستەيدٸ.
ايتا كەتۋ كەرەك, ٶتكەن جىلى ٶڭٸردە بٸلٸم بەرۋ ينفراقۇرىلىمىن دامىتۋدا 13 عيمارات پايدالانۋعا بەرٸلدٸ. «جايلى مەكتەپ» ۇلتتىق جوباسى اياسىندا 10 مەكتەپتٸڭ قۇرىلىسى جوسپارلانىپ, بٷگٸندە 3 مىڭ ورىندىق 6 مەكتەپ اشىلدى. قالعان 4-ەۋٸ جىل سوڭىنا دەيٸن پايدالانۋعا بەرٸلەدٸ. سونىمەن قاتار, فيزيكا-ماتەماتيكا مەكتەپ-ينتەرناتى جەنە «ساۋتس ويل» كومپانيياسىنىڭ دەمەۋشٸلٸگٸمەن مۋزىكالىق كوللەدجدٸڭ جاڭا عيماراتى سالىنۋدا. سوڭعى ٷش جىلدا 3 وقۋشىلار سارايى مەن 2 ٶنەر مەكتەبٸ ٸسكە قوسىلدى. بٷگٸندە شيەلٸ اۋدانىندا 200 ورىندىق وقۋشىلار سارايى مەن 50 ورىندىق ٶنەر مەكتەبٸنٸڭ قۇرىلىسى جٷرگٸزٸلۋدە.
