Sońǵy eki jylda Syr óńiri alyp qurylys alańyna ainaldy. Ásirese, memlekettik baǵdarlamalarmen oblystyń barlyq jerinde, aýyldyq okrýgte, kentterde, aýdandarda turǵyn úi, densaýlyq saqtaý, bilim berý, mádeniet, sport, halyqqa qyzmet kórsetý salalarynda kóptegen ǵimarattar salynyp, halyq igiligine qyzmet etýde.
Osy jyldary qurylys jáne jobalaý jumystaryna barlyǵy 72,94 mlrd.teńge qarjy bólinip, igerildi. Bilim berý salasynda 45 nysan salyndy. Basym bóligi mektepke tiesili. Iaǵni, 11 950 oryndy quraityn 34 mektep paidalanýǵa berildi.
Qurylys indýstriiasy – qashannan da ekonomikanyń negizgi irgetasy. Sondyqtan da eldiń ekonomikalyq kúsh-qýaty men áleýmettik jaǵdaiynynyń artýy qurylys salasynyń damýyna tikelei bailanysty. Sonyń nátijesinde aimaq balabaqsha máselesin de sheshýge jaqyn qaldy. Eki jylda 1300 oryndy quraityn 11 balabaqsha ashyldy.
El bolashaǵy sanalatyn jastardyń da máselesi nazardan tys qalǵan emes. Stýdentterge arnap 1 jataqhana jáne túrli sporttyq alańdar paidalanýǵa berildi.
34 densaýlyq saqtaý nysany salyndy. Atap aitsaq, 26 dárigerlik ambýlatoriia, 4 emhana, 1 aýrýhana, 200 oryndyq 1 perinataldy ortalyq, 2 feldsherlik akýsherlik beket paidalanýǵa berildi.
Biyl turǵyn úi qurylysy ótken jylmen salystyrǵanda 4-esege artyp otyr. Jaqynda 300 otbasy qonys toiyn toilap, 6 turǵyn úi paidalanýǵa berilse, jyl sońyna deiin taǵy 137 myń sharshy metrdi quraityn 2090 páterlik 41 turǵyn úidi paidalanýǵa berý josparlanyp otyr.
Qyzylorda qalasy Syrdariia ózeni siiaqty iri sý arteriiasynda ornalasqan. Osy múmkindikti paidalaný maqsatynda Sol jaǵalaýǵa qala salý bastamasy kóterildi. Qazir sol jaǵalaýmen bailanystarytyn kópirdiń qurylysy qarqyndy júrýde.
Bul Alashtyń anasyna balanǵan Syr óńirinde birer jyldyń bederinde atqarylǵan jumystar. Alǵa qoiǵan maqsat pen jospar budan da aýqymdyraq.
