Almaty oblysynyń Jambyl aýdanyndaǵy qatty turmystyq qaldyqtar poligonynda shyqqan órt 500 sharshy metr aýmaqta oqshaýlandy, dep habarlaidy dalanews.kz.
Órt búgin Uzynaǵash aýylynyń shyǵaberisindegi qoldanystaǵy qatty turmystyq qaldyqtar poligonynda shyqqan.
Oqiǵa ornynda jedel shtabtyń jumysy uiymdastyryldy. Poligonnyń jekelegen ýchaskelerinde qaldyqtardyń jinalý tereńdigi 3–5 metrge deiin jetedi. Bul órtti sóndirý jumystaryn qiyndatyp otyr.
Sý poligonǵa arnaiy kólikpen jetkizilýde. Órttiń ári qarai taralýyna jol bermeý úshin býldozerlerdiń kómegimen janbaǵan qaldyqtardy janyp jatqan ýchaskelerden bólý jumystary júrgizilip jatyr. Sonymen qatar órt oshaqtaryna sý sebilýde.
Tiegishter men samosvaldardyń kómegimen qaldyqtardy basqa jerge kóshirý jáne ústin inertti materialdarmen jabý jumystary atqarylýda.
Órtti sóndirýge Almaty oblysy Tótenshe jaǵdailar departamentiniń, jergilikti atqarýshy organdardyń jáne QR TJM Baýyrjan Momyshuly atyndaǵy 28237 áskeri bóliminiń 33 qyzmetkeri men 22 tehnikasy jumyldyryldy. 28237 áskeri bólimi Uzynaǵash aýylynda ornalasqan.
Órt 500 sharshy metr aýmaqta oqshaýlandy. Qazir ony tolyq sóndirý jumystary jalǵasyp jatyr.
