Vitse-Prezident Erlan Qarinniń tóraǵalyǵymen ótken Ideologiialyq keńes otyrysynda ishki saiasat salasyndaǵy negizgi mindetter qaraldy, dep habarlaidy dalanews.kz.
Jiynǵa Prezident Ákimshiliginiń qurylymdyq bólimsheleri men beiindi ortalyq memlekettik organdardyń basshylary qatysty.
Otyrystaǵy mindetterdiń birinshi blogy konstitýtsiialyq qundylyqtardy júieli túrde ilgeriletý máselesine arnaldy.
Erlan Qarin Ata zańda bekitilgen qundylyqtar Memleket basshysynyń eldi jan-jaqty jańǵyrtýǵa baǵyttalǵan strategiialyq reformalarynyń tujyrymdamalyq ózegin quraitynyn atap ótti. Sondyqtan memlekettik saiasat progressivti konstitýtsiialyq qaǵidattardy qoǵamda ornyqtyrýǵa baǵyttalýy qajet.
Bul baǵyt eń aldymen Zań men tártip ústemdigin qamtamasyz etýdi, jalpyulttyq birlikti, etnosaralyq jáne konfessiiaaralyq kelisimdi nyǵaitýdy, mádeniet, bilim, ǵylym men innovatsiiany damytýdy, qorshaǵan ortaǵa jaýapkershilikpen qaraýdy qamtidy. Sonymen qatar qoǵamda eńbek kýltin, áleýmettik optimizmdi, jaýapty ári jasampaz patriotizm ideiasyn ornyqtyrý kózdeledi.
Erlan Qarinniń aitýynsha, osy baǵyttaǵy memlekettik apparat jumysynyń mazmunyn aiqyndaityn negizgi qujattar – Memleket basshysynyń tapsyrmasymen qabyldanǵan «Qazaqstan Respýblikasynyń ishki saiasatynyń negizgi qaǵidattaryn, qundylyqtary men baǵyttaryn bekitý týraly» Prezident Jarlyǵy jáne Qazaqstan Respýblikasynyń Konstitýtsiiasyn ilgeriletý jónindegi is-sharalar jospary.
Mindetterdiń ekinshi blogy jańa qoǵamdyq etikany qalyptastyrý máselesine arnaldy.
Erlan Qarin bul baǵytty ideologiialyq jumystyń mańyzdy basymdyqtarynyń biri retinde atap ótti. Onyń aitýynsha, jańa qoǵamdyq etika ómirdiń barlyq salasyn, sonyń ishinde qoǵamdyq oryndardaǵy minez-qulyq mádenietin de qamtýǵa tiis.
Sondai-aq bógde qundylyqtar men minez-qulyq normalaryn tańýǵa, qoǵamdyq ómirdi eskilikke burýǵa jáne tarihty mifke ainaldyrýǵa baǵyttalǵan áreketterge keshendi túrde qarsy turý jeke mindet retinde belgilendi.
Osyǵan bailanysty Erlan Qarin «Zań jáne tártip» qaǵidatyn, «Taza Qazaqstan» jobasyn jáne «Adal azamat» tárbie baǵdarlamasyn dáiekti túrde iske asyrýdyń mańyzyn atap ótti.
Sonymen qatar Prezidenttiń «Taza Qazaqstan» bastamasyn keń aýqymda júzege asyrýdyń jańa tásilderin ázirleý qajettigi aityldy. Atap aitqanda, biryńǵai tsifrlyq platforma qurý, óńirlerdiń reitingin qalyptastyrý, tazalyqtyń ulttyq standartyn engizý jáne Qazaqstandy kógaldandyrýdyń onlain-kartasyn jasaý usynyldy.
Mindetterdiń úshinshi blogynda ishki saiasat salasyndaǵy barlyq strategiialyq qujattardy sapaly oryndaý máselesi qaraldy. Olardyń qatarynda «Qazaqstan balalary» tujyrymdamasy, Din salasyndaǵy memlekettik saiasatty damytý tujyrymdamasy, Memlekettik jastar saiasaty tujyrymdamasy jáne Jastardy áskeri-patriottyq tárbieleý tujyrymdamasy bar.
Sonymen birge Vitse-Prezident Memleket basshysy bastamashylyq etken basqa da baǵdarlamalyq qujattardy ýaqtyly ázirleýdiń ózektiligine nazar aýdardy. Atap aitqanda, «Oqityn ult» tujyrymdamasy men Etnosaralyq qatynastar jáne qoǵamdyq kelisimdi damytýdyń jańa tujyrymdamasyn ázirleý qajettigi aityldy.
Jalpy, Erlan Qarin Memleket basshysynyń strategiialyq reformalary men Ádiletti Qazaqstandy qurýǵa baǵyttalǵan aýqymdy jumysty sapaly aqparattyq jáne ideologiialyq turǵydan súiemeldeýdiń mańyzyn atap ótti.
Onyń aitýynsha, barlyq jalpyulttyq jobalar men bastamalar eldi jappai jańǵyrtýdyń tutas júiesine kiriktirilýge tiis.
Jiyn sońynda Vitse-Prezident memlekettik organdardyń ishki saiasi jumysynda baqylaýdy, júieli tásildi jáne jalpy úilestirýdi qamtamasyz etý qajettigin taǵy da eske saldy.
«Ishki saiasat salasyndaǵy júieleý jumysyn jalǵastyrý qajet – biryńǵai talaptardy, naqty reglamentter men rásimderdi bekitý kerek. Qarqyndy báseńdetýge nemese qol jetkizgen nátijelermen toqtap qalýǵa bolmaidy, únemi alǵa umtylý qajet. Bizdiń ortaq mindetimiz – azamattardyń suranysyna tiimdi jaýap berý, jasampaz kún tártibi men jańa konstitýtsiialyq qundylyqtardy ilgeriletý, Prezident bastamalarynyń sapaly ári tiimdi iske asyrylýyn qamtamasyz etý», – dep túiindedi Erlan Qarin.
Otyrys qorytyndysy boiynsha jaýapty memlekettik organdarǵa ishki saiasat salasyndaǵy jumystyń negizgi baǵyttaryn praktikalyq turǵyda iske asyrý jóninde tiisti tapsyrmalar berildi.
